Cyriel Verschaeve: verschil tussen versies

 

==Leev'n==

Vo zun middelboare gienkt ie no ’t Klêen Seminarie in [[Roeseloare]] wodat ie in contact kwamt met de katholyke Vlamse studentenbewegienge en met ’t gedachtengoed van [[Albrecht Rodenbach]]. Dorachter lêerdet ie voe paster an ’t Grôot Seminarie in [[Brugge]].

 

Tussen 1896 en 1911 ist ie lêroare in ’t college van [[Tielt]]. Oendertussen volgdet ie ook nog cursussen in [[Duutsland]] an de uniefs van Jena en Marburg. Ierdeure wierd ie 'n groate vorstander van et ‘pan-Germanisme’.

 

Ip 4 november 1911 wierd ie oenderpaster in [[Oalveringem]]. Bist den [[Êeste Weireldoorloge|êesten wèreldorloge]] ligt Oalveringem achter ’t froent. Cyriel Verschaeve wordt do de gèèstelykken leider van de Froentbewegienge, die upkomt tegen de oenrechtvoardige behandelienge van de Vlamse soldoaten in et deur Franstoaligen geleide Belgisch leger. Zun pastorieë is de platse woada vele Vlamsgezinde soldoaten tope kommen en Cyriel Verschaeve schrieft zelve èèn van de zogenaamde ‘Frontbrieven’ no keunink Albert woda de mistoestanden in ’t Belgisch leger worden angekloagd. ''"Hier liggen hun lijken als zaden in het zand, hoop op den oogst O Vlaanderland"'' is èèn van zun dichtregels die up den èèsten [[Iezertoorn|Iezertorre]] gezet worden.