Hugo Claus: verschil tussen versies

Hugo Claus verbluuft vanof z’n 18 moandn toet an z’n 11 joar in e pensionoat. Van 1940 toet 1946 weunt ’n were thuus. Je makt ton reizn noa verschillnde landn. Van 1950 toet 1953 weunt ’n in [[Parys]] woa dat ’n in contact komt met ’t [[surrealisme]], [[existentialisme]] en [[Cobramodernisme]]. Van 1953 toet 1955 verbluuft ’n in [[Rome]] in ’t filmmilieu. In 1955 trouwt ’n met de filmactrice Elly Overzier en weunt met eur in [[Gent]] toet 1965. Je weunt ton vuuf joar ip een boerderye in de Vlamsche Ardenn. In 1970 goat ’n in Amsterdam weunn woa dat ’n een veroedienge et met de actrice Kitty Courbois. Van 1973 toet 1978 weunt ’n in Parys tegoare met de actrice Sylvia Kristel. Uutendelik veruust ’n were noa Gent. In 1993 trouwt ’n met Veerle De Wit. Je weunt ook nog een tyd in Cavaillon (Zuud [[Vrankryk|Frankryk]]).