'''SV Zulte Waregem''' (''SV Zulte Woaregem'') is e [[België|Belgische]] [[voetbolclub]] uit [[Waregem]] en [[Zulte]]. De club oentstoend in 2001 duur de fuusje van 't [[Ôost-Vloandern|Oost-Vlamse]] ''Zultse VV'' en 't failliet [[West-Vloandern|West-Vlamse]] ''[[SV Waregem]]''. In 2005 promoveerde ze voe d'eejste kêe noa d'[[Êeste Klasse 2006-2007 | Êeste Klasse]]. De club is bieby de [[KBVB]] ageslootn met [[stamnummer]] 5381 en de clubkleurn zie groen-geel-rôod.
==Geschiedenisse==
===KSV Waregem===
{{zieook|''Bie 't artikel [[KSV Waregem]] vien je mêer uutleg over KSV Waregem''}}
KSV Waregem was in 1946 uut de fuusje van ''Waregem Sportief'' (da ol van 1925 bestoend) en ''Red Star Waregem''. De fusieclub slôot em an bieby de [[KBVB]] en kreeg stamnummer 4451. Z'addn rood-wit voe kleurn, en speelden in 't [[Regenboogstadion]]. Van 1966 toet 1996 speeldehe ze in de [[Êeste klasse (voetbol België)|Êeste Klasse]], juste oenderbrook'n deur twi kêern e sizoen in [[Twidde klasse (voetbol België)|Twidde Klasse]]. In 1985/86 addn ze ôok in Europa succes, ton da ze d'oalve fynales van de [[UEFA Cup]] oalden. Z'en ôok e [[Beker van België|Belgische Beker]] en [[Belgische Supercup|Supercup]] ip under erelieste stoan. Ip 't ende van de joaren 90 zakte de ploeg echter were noa Twidde, en in 1999 belandehe ze deur fynanciële miseerê in [[Vierde klasse (voetbol België)|Vierde Klasse]].
===Zultse VV===
In [[1950]] is in [[Zulte (Oost-Vloandern)|Zulte]] de club ''Zulte Sportief'' ipgericht, dat em aanslôot bieby de voetbolbond. De club a' stamnummer 5381. De club fusioneerde in [[1976]] mè ''SK Zulte'' (dat in [[1947]] was ipgericht en stamnummer 4683 ad) toet '''Zultse VV'''. Die fusieclub klom in de joaren 90 ip in de nationoale reeksn. Achter e poar joar Bevorderynge speelde de club van 1995 toet 1997 ol twêe sizoen'n in [[Derde klasse (voetbol België)|Derde Klasse]]. Zultse moest echter iedere kêe een eindronde speeln teegn de degradaasjee. 't Twidde seizoen gerochtn ze nie deur die eindronde en de club zakte voe twêe sizoen'n were noa Vierde Klasse. In 1999 promoveerde Zultse weerol; 't seizoen derip oalde ze zels d'eindronde, moa de ploeg verloor in e wedstried voe de derde plekke en miste azo nipt de promoosje noa [[Twidde klasse (voetbol België)|Twidde Klasse]].
