Kastêel van Wyndoale: verschil tussen versies

Achter 1528 keerde Wyndoale were no den hoofdtak van d'hertogen van Kleef. De die weunden zelve nie ip't kastêel, mo der logeerden wel hoge pieten. Under keuninklikke verwanten Karel V en de landvoogdesse Maria van Hongarije verbleven meerdere keren in 't kastêel. In de twidden helft van de 16de eeuwe verminderde d'interesse van de Kleefse hertogen voor under Vlamse eigendom. De godsdienstorlogen en den Ipstand tegen Spajje leidden in 1578 toe de vernielinge van e deele van 't kastêel, woaby wok de donjon ipbrandde. Uut die periode dateren d'oedste afbeeldieng van 't kastêel: e detail uut de grote koarte van 't Brugse Vrije geschilderd deur Pieter Pourbus uut 1568 en een anonieme tekeninge uut 1612, vroegerovertyd (verzekers verkeerd) toegeschreven an Jan Bruegel.