Edward Boys

Edward Boys (°1785 +1866) is surtoe bekend van 't boek dat em schreef in 1827 over zen ontsnappinge in Vrankryk in 1808 en zen vlucht te voete deur Vrankryk en Vlaandern om uutendelik via gasten van Zuunkerke 't Kanaal over te geraken.

Ie was nen Ingelse kadet (midshipman) die in 't najaar van 1803 gevang wier. Je was ton 18e. Te voete moest em deur Vrankryk en kwam uut in Verdun. Achter een relatief goeie periode gunter kwamt em terechte in de Citadel van Valenciennes. In 1808 ist em van do gevlucht ip een spectaculaire maniere tope met drie maten. Ze trokken no de Vlamse kust wo da ze probeerden om an e bootje te geraken voe nor Ingeland te geraken. Da koste mo zuste lukken met medewerkinge van de platselike bevolking. Al tope was Boys 6 maen in Vlaandern.

Al zen belevenissen in Vrankryk en Vlaandern et em ipgeschreven in 1810e. Omwille van den oorlog die nog assan bizeg was, circuleerde zen werk mo zuste in de eigen familie. 't Is mor in 1827 dat em zen werk publiceerde als "Narrative of a captivity, escape and adventures in France and Flanders during the war between the years 1803-1809". 't Boek wier vier keers erdrukt.

Uutgever Luc Vanhaecke uut Brugge gaf in 2005 een vertalinge in 't Nederlans uut. Ie zorgde voe correcties gebaseerd ip een uutgebreid archiefonderzoek.

Meer lezen

BOYS, Edward, Mijn lotgevallen in Frankrijk en Vlaanderen (1803-1809), vertaald en toegelicht door Luc Vanhaecke, Brugge, 2005.