Binn et [[West-Vlams]] zyn d'r nogol wuk onderliengeounderlienge verschilln. De bedoelienge van 't '''Standoardvlams''', ofgekort tot '''SV''', es om ne norm vaste te leggn tusschn ol de schryvers die up dizzn Wikipedia actief zyn omtrent de maniere woarup da 't West-Vlams ier geschreevn es.
't Standoardvlams es dus e '''West-Vlamsche spellienge'''. Die spellienge es 't resultoat van ne compromis. En diene compromis wos nôdig. Up langern termyn wil da Standoardvlams de referensje kommn vo olle West-Vloamiengn die in under eigen toale willn schryvn, en dat es ambitieus. Moa 't es et SV in d'eeste plekke te doene om olle West-Vlamsche tekstn serieus én anveirdboar te moakn vo niet-West-Vloamiengn, wuk da ollene moa meugelik es oe olle West-Vloamiengn up dezelfste maniere schryvn.
Uus SV es nie ontworpnountworpn by en universiteit moa es 't resultoat van vele voorstelln en verbeteriengn die kommn van de schryvers up den West-Vlamschn Wikipedia die die spellienge ol en ende gebruukn. Ol die gastn ein en upmerkelik ontwikkeldountwikkeld gevoel vo toale. Da Standoardvlams zou dus vo olle West-Vloamiengn gemakkelik erkenboar moetn zyn en nie vree moeilik vo te gebruukn en te schryvn. En dat es uze eeste bedoelienge.
Et Standoardvlams es nog in vulle ontwikkeliengeountwikkelienge. 't Goat surtout over de spellienge van klankn woavan da d'uutsproake nogol streekgebondnstreekgeboundn es. D'r bestoan ook artikels over wordnschat en grammatica van 't West-Vlams, ge moe moa ne kee goan kykn in uus [[Portoal:Toale|Portoal over Toale]].
