Oopnboar vervoer: verschil tussen versies

Juste lik in West-Vloandern zorgt De Lijn voa d'autobuusdienstn en de trams. 'n NMBS zorgt ôok voa de [[tring]]s. Buutn West-Vloandern ryen der nog trams in [[Gent]] en [[Antwerpn]]. In Gent ryen der ôok [[trolleybus|trolleybuusn]]. Da zyn autobuusn die up eletric ryen. Ze krygen under strôom via een boovnleidienge. In Antwerpn rydt er ôok nog nen premetro. Da zyn in feite de tramlynn die up sommigste plekkn oenderounder de groendground ryen, bevôorbeeld oenderounder de [[Meir]].

In Wallonië zorgt de [[TEC]] voa d'autobuusdienstn en tramdienstn. D'r ryen allêne moa trams in [[Charleroi]]. In 't centrum van Charleroi ryen ze just lik in Antwerpen oenderounder de groendground. Da wordt doa ''Metro léger'' genoemd. Z'in van de acht geplande lynn moa drie gebouwd woavan dat er slechts een anderhalve lyne van gebrukt weirdt. Ze stoat dus ôok up de lyste van travaux inutiles. Juste lik de 2,5 km lange metrotunnele in [[Luuk]] die nôois is gebruukt. In Spa is de TEC bezig met de bouw van en kabeltring. In Wallonië is den NMBS verantwôordelik vô de trings ('t noemt doa wel de SNCB, ''Société Nationale des Chemins de Fer Belges''). Momenteel zyn ze bezig met de bouw van een grôte HST stoasje in Luuk (Liège Guillemins).