De '''Orde van et Gulden Vlies''' is 'n ridderorde, die in [[1430]] gesticht is deur ertog [[Filips de Goede]].
==Geschiedenisse==
Ertog Filips de Goede richtte d’n tienstn januoari 1430 de orde up in [[Brugge]], ter gelegeneid van z’nd'n trouw metmè z'n derde vrouwe [[Isabella van Portugal]]. Je wilde de ridders van z’n ryk verenign vo nog meer anzien te geevn an z’n dynastie. De nieuwe orde bestound uut ’n select gezelschap woamee dat y z’n beste medewerkers en buutnlandse boundgenootn koste eern. Je was nie d’n eestn die zo ’n orde in leevn riep. Peis moar an de befoamde Ingelsche Orde van de Kouseband, die nog ouder is. De Orde van et Gulden Vlies benoemde vier belangryke ambtenoarn: de kanselier, die verantwoordelik was vo de zegel en controle uutoefende ip de ridders, de schatbewoarder, de griffier, die verantwoordinge ad vo de documentn, en de woapnkeunink die de kapittelvergoaringn leidde. ’t Kapittel, ’t bestier, bestound uut dertig gekoozn ridders, w.o. [[Lodewyk van Gruuthuse]].
De functie van ’t oofd van de orde gink achtereenvolgns over van Filips de Goede noa [[Karel de Stoute]], [[Maria van Bourgondië]], [[Filips de Schone]], [[Karel V]], [[Filips II]], enz...
