Jan van Eyck: verschil tussen versies

Je was eest hofschilder van de groaf van Olland moa noa diens dood in 1425 vertrokt y'n noa Brugge woa dat y'n hofschilder en koamereere wierd van [[Filips de Goede]] de machtign [[Bourgondische ertoogn|ertog van Bourgondië]], die enormzot ieldwas van kunst. Direct achter z’n anstellinge in 1425 vertrokt y'n noa [[Rysel]] woa dat d'n ertog ton ’t liefste verbleef. Moar in 1430 vestigdet y em definitief in Brugge. Ol de schilderyen die zeker van em zyn, dateern uut de Brugse periode.

Jan van Eyck is de reste van z’n leevn in dienst van [[Filips de Goede]] gebleevn. Je stierf in Brugge in 1441 en is begroavn in de Sint-Donaaskerke (geslooptofgebrookn in 1799).

Je makte surtout portrettn en religieuze thema’s. 't Portret: "Man met rode tulband" is 't eeste portret in de kunstgeschiedenisse da rechte in j'n oogn kykt. Doarom zoudt 't 'n zelfportret kunn zyn da vo de spegel gemakt is. Je signeerde en dateerde z’n werkn en da was ton nog nie gebrukelik. Soms zettet y d’r ook z’n lyfspreuke by ''als ich can''. Da bewyst oe zelfbewust dat y'n was. ’t Eeste schilderye da van em bewoard is gebleevn en ook ’t grotste is ’t in 1432 voltooide retabel of altoarstik van ’t Lam Gods (Sint-Baafskathedroale in [[Gent]] ). 't Patriciërskoppel Jodocus Vydt en Elisabeth Borluut goavn Van Eyck d'n updracht voa 't altoarstik van de zykapelle van de kathedroale te beschilderen. Volgens 't upschrift zou Jans broere Hubrecht ook meegewerkt èn an 't werk moa dat is nie dudelik omdat er gin andere schilderyen van èm bekend zyn.