Slag by Bulskamp: verschil tussen versies

Verwijderde inhoud Toegevoegde inhoud
Blardo (discuusjeblad | bydroagn)
nieuw blad: De Slag by Bulskamp (1297) wos êen van d'anlôopn nor de Guldnspoornslag. ==De voôrgeschiedenisse== Filips IV van Vrankryk, wok wel Filips de Schone genoumd, wos de klêenz...
 
Blardo (discuusjeblad | bydroagn)
Geen bewerkingssamenvatting
Regel 1:
De Slag by [[Bulskamp]] (1297) wos êen van d'anlôopn nor de [[Guldnspoornslag]].
 
==De voôrgeschiedenisse==
[[Filips IV van Vrankryk]], wok wel [[Filips de Schone]] genoumd, wos de klêenzeune van [[Lodewijk IX]] en wierd keuninkkeunienk van Vrankryk in 1285. In teegnstellinge tot zyn grôotvoader probeerdn em de macht te centroalizeern. De groafgroave van Vloandern, [[Gwijde van Dampierre]], wos doa vaneigenst nie mee gediend, mor ne koste nie beletn da [[Filips IV van Vrankryk|Filips IV]] controleurs no [[Vloandern]] zond om te kykn out olles wel volgens zyn wettn goungk. En zyder vondn compagnongs bie e klêen dêel van de [[burgerie]], die ôok de macht van de groave wilde inperkn. Doadeure zocht de groave ulpe bie 't geweune vouk, de gildn en de boern. De franskiljongs wierdn Lelioards genoumd, no 't [[Vrankryk|Fransche]] woapnschild en 't geweune vouk wierd êest Lieboars en loater Klauwoars genoumd, no 't [[Vloandern|Vlamsche]] woapnschild.
 
In 1297 escaleerde 't conflict. De groave ad e verdrag mi den [[Iengeland|Iengelsche]] keunienk [[Edward I]], woavan dat'n peisde dat'n machtig en te betrouwn wos en achter e verôordêelinge deur 't [[Vrankryk|Fransche]] parlement zeit'n zin êed an [[Vrankryk]] up, wuk dat in feite e sôorte onafhankelukheidsverkloaringe va Vloandern wos.
 
==De slag zelve==
[[Filips IV van Vrankryk|Filips IV]] wos vroud va coleire vaneigenst en ne zond e leger no [[Vloandern]]. De groave a gepeisd van ulpe te kryggn vanut [[Iengeland]], mo [[Edward I van Iengeland|Edward I]] wos zelve druk bezig mi nen upstand van de [[Schotland|Schottn]] en ezô bestond et [[Vloandern|Vlamsche]] leger surtout ut minschn ut [[Kassel]] en [[Veurne]] mit e bitje ulpe ut [[Brugge]] en 't [[Brugse Vrye]]. 't Wierd geleid deur Willem van Gulik den oudn, e klêenzeune van de groave [[Gwijde van Dampierre]]. 't [[Vrankryk|Fransche]] leger wierd geleid deur [[Robert van Artois||Robert II van Artois]]. Oun de [[Vloandern|Vlamsche]] ridders 't [[Vrankryk|Fransche]] leger zoagn ofkomn up woensdag den 20stn [[ogustus|oeste]], in [[Bulskamp]], gingn ze der rechte up of, zonder rekeninge 't oudn mi 't voetvouk da nie mêekost. Da wos vaneigenst nie echt slim, omda ze nu in twêe groepn moestn vichtn. Achter nen arte en bloedigen bataille wierdn ze ton wok versleegn. De ridders vluchttn nor [[Yper]] en 't voetvouk zochtte schuttinge in [[Veurne]]. Willem van Gulik den Oudn et nie overleefd.
 
==Gevolgn==
In't joar 1300 gaf [[Gwijde van Dampierre]], groave van [[Vloandern]] em over en ne vloog tôope mi zyn twêe oudste zeuns en e poar gastn van 'n oadel in e priesong in [[Vrankryk]]. [[Vloandern]] wierd were tôpe bie [[Vrankryk]] gesmeetn en [[Jacques de Châtillon]] wierd gouverneur, gezeteld in [[Brugge]]. Deur zyn arrogante gedroagingn en vele geweld et ie em nie populair gemakt bie de Vloamingn, surtout nie in [[Brugge]], die van te vôorn pertank wok nie vele moestn weetn van de groave en in 't begun zonder rutteln 't gezak van [[Vrankryk]] anveirdn. 't malcontentement van de Bruggelingn wos d'anleidinge vo de [[Brugse mettn]].
 
==Bronne==
''Slagveld van Europa'', Duizend jaar oorlog in de zuidelijke Nederlanden, Marc Gevaert, Globe(2007)