Leucine: verschil tussen versies

'''Leucine''', of juuster L-Leucine, es een natuurlyk [[aminozuur]]. Et weirdt ofgekort mè '''Leu''' of '''L'''. De vorme die et meeste vorekomt is L-leucine, D-leucine komt by de meer exotische soortn vore.

Leucine bestoat uut nen ôofdkeetn en nen zykeetn gelyk olle natuurlyke aminozuurn. De ôofdkeetn eit een [[aminogroep]] an n'êne en nen [[carboxylgroep]] an n'andere ant, mè doartussn een [[carbongroep]]. De zykeetn bestoat uut een ofgetakte koolwoaterstofverbindienge mè chemische formule -CH₂CH(CH₃)₂. Ge zoet dus keun zeggn da leucine nen [[valine]] es mè een extra -CH₂- tussngepropt. Leucine es [[isobaar]] mè [[isoleucine]], z'ein olletwêe een massa van 131.18 g/mol. Da makt da je ze nie van elkoar keun onderscheidn mè [[massa-spectrometrie|massa-spectrometrische]] techniekn, en daje chromatografische techniekn moe gebruukn.

Leucine beôort by de [[hydrofoob|hydrofobe]] amninozuurn, deurda de zykeetn allêne moar bestoat uut koolwoaterstoffn. Doardeure zul'd je valineleucine mêestol vindn in't binneste van een [[proteïne]], of an de butenkant at over de trans[[membraan]]regio van een eiwit goat.

Leucine es een [[essentieel aminozuur]] voo bêestn, wa wil zeggn da je et moe binnkrygn via uw eetn. Ge keunt Leucineleucine ippakkn deur et eetn van [[ei]]ers, kiekevlêes, vlêes van [[runders]], sojabôonn en groensel. In plantn en micro-organismn weirdt et angemakt vanuut [[pyruvaat|pyrodruuvezuur]], et eindproduct van de [[glycolyse]].