Jean-Pierre Coopman: verschil tussen versies

'''Jean-Pierre Coopman''' (°[[Iengelmunstr]], [[11 juli]] [[1942]]) wos e [[West-Vloandern|West-Vlamschen]] [[bokser]] by de zwoargewichtn. En is surtout bekend ebleevn vo zyn kamp teegn [[Muhammad Ali]] vo de weireldtitel. Achter zyn carrière blêefnblêef 'n in 't boksmilieu: e begunt mi schildern (van bokskampn) en e traint jounge boksers.

Coopman smôorde lik e ketter en e dei ni vele an sport. Op ze 25ste (in 1967) begost 'n per toeval te boksen. Coopman trainde dikkers mi [[Gilbert Monteyne]], Belgs amateurkampioen by de zwoargewichtn. Op e dag moestn vo nem involln in [[Rumbeke]]. Dat lukte goed, en Coopmans carrière wos e alanceerd. Monteyne wos zyn êestn trainer. Coopman stopte radicaal mi drienkn en smôorn, en e leefde ollêne nog vo zyn sport.

Zyn êestn profkamp wos in 1971 teegn Bosch. Op e bepoald moment roept de referee voor e ''break'', 't têekn dat de boksers uut makoar moetn goan. Moa Coopman adde dat ni ôord, en e sloeg Bosch knock-out. Dat wos ni reglementair, en doadeure verlôor Coopman zyn êeste kamp.

De match wos op 20 februari 1976 in San Juan, Puerto Rico. Ze deurde vuuf roundn (14' 46"). Coopman kwam t'r ni an te passe. Ali wos ol over zyn oogtepunt, moa wos nog ossan e superieurn bokser. Coopman wos zo slim om nem, achter e reke zwoare sloagn, te loatn voalln in de plekke van nem te loatn ofslachtn in een rounde of [[10 (getal)|tiene]]. Loater van tyd gaf 'n toe dat 'n nog adde kunn opstoan, moa da dat gin goe gedacht zou ewist zyn.

Coopman adde vele geld verdiend mi de match teegn Ali. In Izegem[[Yzegem]] boksnde vo om en by de 10.000 Belgische frank per kamp. Moa vo de kamp teegn Ali adde 'n [[Amerika|Amerikoanchen]] bokspromoteur Don King voor e beurze van 50.000 dollar ezorgd. Coopman stak zyn geld in e café in [[Roeseloare]] (Taverne San Juan), moa da gink overkop. <ref>''Geen dag zonder Ali'' - tv-documentaire uutezondn op 28/01/2008 op Canvas</ref>