Fazante: verschil tussen versies

't Vintje is grodder danof 't wuvetje (toet 90 cm voe 't vintje en toet 60 cm voe 't wuvetje) en 'n et e langern steirt. En is oek mêer ekleurd. Ze kop is groene met e grôte rôo plekke. Oltemets et 'n an ze nekke e wittn riengel, mo dat is nie algemêen. Ze lyf is bruunachtig me witte, zworte en grysde plekkn.

Ôorsprounkelik kommn ze uut Azië, mo ze zyn in Europa verzeker deur de [[Romeinn]] inevoerd voun up te joagn. Oek nu nog is er stiefstyf vele up ejoagd. Ze komn in Europa overol vôorn buutn in Scandinoavië en [[Portugal]].

Ze kommn surtout vôorn in oopn veld, mo ze leevn oek in busschn (ze sloapn mêestol in [[boom]]n). Z'eetn vanolles (groan, [[ges]], bloars en bêestery). In West-Vloandern zyn ze mei verantwôordelik voe 'n achteruutgang van 'n [[oazelworme]] (en [[oagedisse]] zounder pôotn), woa dan ze up joagn. Ze kunn froai goed vliegn, mo dadde en doen ze nie zovele.

E vintje et mêestol mêerdere wuvetjes ounder nem. Ze moakn e nest up de ground en leggn oungeveer 10 eiers tusschn [[april]] en [[juni]]. Ze broedn tusschn de 3 en de 4 weekn. Ze bluuvn en endetje by nunder moeder en groein stiefstyf zêre, ze zyn ol eevn grôot of nunder ouders achter 15 weekn.