|
Tusschn die transgressies kreegn me periodes van regressie.
==Duunkerke I (2e eeuwe v.C. - 1e eeuwe n.C.)==
In die periode deurbrikt de zee d'oudste duunn die 5.000 joar geleen an uze [[Vlamsche Kust|kust]] gevormd èn gewist.
Die kreekn oundergaan de getydn van de zee. By vloed loopn ze zynder over en 't land round die geuln gerakt overstroomd. 't Gebied da zo ollene moar by vloed ounder woater komt te stoan, noemt '''slikke'''. Up slikkn keunn d'r ollene moar halofytn gruujn, da zyn plantn die teegn zout woater keunn.
Achter Duunkerke I krygn me en kalme periode mè de '''Romeinsche regressie'''. In die periode ountstoundn d'r nieuwe [[dune|duunn]] en dus e nieuwe kustlyne.
==Duunkerke II (2e eeuwe - 8e eeuwe n.C.)==
Da wos veruut de grotste en belangrykste regressie van de drie. Deur Duunkerke II outstoundn enstens de hele Vlamsche kustvlakte nieuwe grote kreekn die zorgdn da 't hele gebied moeilik toegankelik gerocht.
Tegen d'achtste eeuwe n.C. woarn de kreekn uut under eigen toegeslibd mè zand. Zo begost d’r e rustige periode da me de '''Karolingische regressie''' noemn. In die periode begoste nieuwe duunnvormienge.
==Duunkerke III (sinsn 11e eeuwe)==
Duunkerke III wos klinder in omvang dan Duunkerke I en II. Zy es nog osan bezig moar ’n invloed up de kustlyne bluuft nu styf beperkt deur de kustverdedigienge.
Duunkerke III bestoat uut III a en III b.
===Duunkerke III a (11e eeuwe)===
Duunkerke III a bestoundn uut serieuze stormvloedn surtout lanks de Middn- en Westkust.
===Duunkerke III b (sinsn 12e eeuwe)===
Duunkerke III b begoste in de 12e eeuwe en veroorzoakte surtout in 1134, 1404 en 1421 zwoare overstromiengn lanks de Oostkust.
In 1134 deurbrikt de zee de jounge duunn en ountstoat er en bevoarboare geule die bykans tout an [[Brugge]] komt. An ’t ende van die geule bouwden de Bruggeliengn nen dam vo de scheepn te keunn loss en de marchandise over te zettn up klindere scheepn die via de Reie noar Brugge voern. Up de plekke van dienen dam ountstound de stee [[Damme]], die ol in 1180 eur stadsrechtn kreeg.
’t Es eigen an kreekn dan ze kort achter dan z’ountstoan zyn, van ’t zelste begunn te verzandn. Zo komt et dat et [[Zwin]] nu nog ’t enige es dat overbluuft van die kreke uut 1134.
De grotste dykn lanks uze kust èn gebouwd gewist achter zukke overstromiengn, lik de Krienkeldyk die gebouwd wos direct na 1134 en de [[Groaf-Jansdyk]] in 1405.
| 