'''Andrei Tchmil''' ([[22 januoari]] [[1963]] in Khabarovsk (toenetoune Sovjet-Unie, nu Moldoavië)) is overtydin 'n tyde koereur ewist. En is buutn Rus, oek Oekraïener en Moldoavïer ewist. In 1998 is 'n toene Belg ekomn. Voen [[België]] et 'n in Plouay in [[Vrankryk]] bykan 't weireldkampioenschap ewonn, juuste vôorn de mete en ze nem epakt en [[Romans Vainsteins]] (e [[Letland|Let]]) woskwaam toenetoune weireldkampioen.
Tchmil wos setoesurtout goed at 'n nie ol te vele oemogeomoge gienk, e wos bykan ossan goed in de Vlamsche koersn, woa dat 'n mêestol êen van de grotste concurrentn wos van [[Johan Museeuw]]. En et de twêe Vlamsche klassiekers (de [[Rounde van Vloandern]] en [[Paris-Roubaix]]) ewonn.
In 2002 is 'n estopt achter dat 'n gin contract mi krêeg by Lotto. En adde ze boovnbêen ebrookn in de [[Driedoagse van De Panne]]. En is toenetoune nog werekêerd in de [[Rounde van België]], woa dat 'n de latsn rit wonne en ezô ze carrière schône kuste ofsluutn.
Achter dat 'n estopt wos me koersn, is 'n oundermêer ploegleider ewist by [[Chocolade Jacques]]. In 2006 is 'n minister van sport ekomnekommn in Moldoavië, zounder mei te doen met de verkieziengn.
