|
| voader = [[Lodewyk I van Nevers]]
| moeder = Johanna van Rethel
}}'''Lodewyk I van Vloandern''' (°Névers, round 1304 - † Crécy, [[26 ogustus]] [[1346]]) wos a [[groaf van Vloandern]]. En is oekouk ekend ounder de noame '''Lodewyk II van Nevers''' of Lodewyk van Crécy.
Zyn voader wos [[Lodewyk I van Nevers]], zyn grôotvoader [[Robrecht III van Vloandern|Robrecht van Béthune]].
== Beleid teegn Vloandern ==
Lodewyk wos opekwikt an 't of in Parys. E trouwt doar op 21 juli 1320 mi Margaretha, de dochter (8 joar) van keuning Filips V. OmdatnOmdat 'n in [[Vrankryk]] is opegroeid, wos zyn beleid ton oekouk op 't Fransche ericht. Zyn vôorgangers kêekn mêer uut nar [[Iengeland]], omda ze dat e goe verweir voen teegn Vrankryk dat ossan grodder wilde komn. Iengeland leverde vele wulle an Vloandern da doamei ryke wos ekommn. De polletiek van Lodewyk zorde voe wrevel by zyn Vlamsche oederdoannounderdoann, en de grôte steedn lik [[Brugge]] en [[Gent]].
Azo kwamtnkwamt oek'n ouk in kweiste me [[Klaas Zannekin]] en zyn mann. E versloeg Zannekin in de [[Slag by Kassel (1328)|Slag by Kassel]].
In 1335 miek Lodewyk I de [[Gent|Gentenoars]] kwoad, omdatnomdat 'n de Vloamiengn - op bevel van Filips VI, keunienk van Vrankryk - dwoung om in ôorlog te goan met Iengeland en keunienk Edward III. 't Woarn d'êeste têekns van 'n [[Ounderdjoarigen ôorlog]]. Vloandern adde gin wulle ne mi, e wos platzak. De Gentenoars, ounder leidieng van [[Jacob van Artevelde]], kwaamn in 1338 in opstand. Lodewyk I sloeg op de vlucht. Toen da Van Artevelde vermôord wos (in 1345) probeerde Lodewyk I were te kêern na Gent, moa dat mislukte.
Lodewyk komt an zyn ende in de Slag by Crécy in 1346, teegn d'Iengelsche. Zyn opvolger, als groaf van Vloandern, wos [[Lodewyk van Male]].
| 