Karel Van Mander: verschil tussen versies

11 bytes toegevoegd ,  12 jaar geleden
geen bewerkingssamenvatting
Achter zyn studies kwam 't y were noa Mullebeke woa dat y em toelei ip literaire zoakn en woa dat y ôok tonêeliptreedns gaf.
 
Gelik ol de kunstenoars in dien tyde, trokt y noar [[Rome (stad)|Rôme]] om de oude Rominse culteure te gan bekykn. 't Wos immers vulip [[Renaissance]] en de Rominse kunstn kwoamn were in de belangstellienge. Y et doar gebleevn van [[1574]] tut [[1577]]. Achternoa et y em in [[Olland]] gan vestign, want da wos ton in tyde de ipkommende economische regio van West-Europa. In [[Vloandern]] ging et ton minder goed deur ondermêer de godsdienstoorlogn. Y is doar gebleevn tut an zyne dôod in 1606.
 
Y èt veel boanbrekend werk gedoan. Em èt et vô de êeste kêer angedurfd vô noakte minsn te skildren in de Loage Landn. Y oat ondertussn wok e academie ipgericht en êen van zyn lêerliengn wos [[Frans Hals]].
 
== 't Schilder Boeck ==
't Bekendste dat y oes et achtergeloatn is zyn "Schilder Boeck". Doarin stoan d'r vele beskryviengen van Middelêewse skilders. t'Is deur em da we nu nog zo vele weetn van onder andere [[Jan Van Eyck]] en [[Breugel]]. In dien tyde wos da werk ol ip applaus ontoald. 't Wos trouwens 't êeste kunsttheoretische boek ôoit da boovn d'[[Alpn]] wos verskeen.
 
Van d'reste van zyn werkn is 't er nie mêer zô vele overgebleevn: ol t'ôpe nog 28 skilderyn woavan 7 in Olland en moar êen in Belgie. Da latste is te ziene in de St. Moartenskerke van Kortryk en noemt "De marteldôod van de H. Catharina" uut 1582.
4.469

bewerkingen