Stoande wip
Stoande wip da 's 'n discipline van 't handboogskietn, woarby dat 'r ip nen wip wordt geskootn van 28 meters hôge.
De pyle wordt verticoal in de lucht gelanceerd, en je moe den outnen veugel proberen te roakn. 't Is nen vré populairen sport in Vloandr'n, ma ze doen da wok in Zêeuws-Vloandr'n en in Nôord-Frankryk. Achter da et 'n militairen functie ad, werd et mêer en mêer een recreatiesport. In de Vloamse en Brabantse steden was t'r nen geweunte van elk joar en skutterskeuninck aan te duudn. Dien kwam an zenen titel deur den outnen veugel te roakn. Ma nu is da nen typischen Vloamsen sport.
Wa e j' dr vôorn nodig?
bewerkn- Ne wip: da 's en ysdern constructie, me alboven pinnen woaran dat 'r veugels angen. Nateurlik gêen echte veugels, ma da zyn klêne blokskes van out of plastic me pluumn an. Vo dat 'n wedstryd begunt, geven z' bepoalde weirdn an de veugels.
- Nen boog en pyln.
Wa moe j' nu juste doene?
bewerknGe moe skietn ip die 'veugels', en azo puntn hoaln. Wien dat 'r de mêeste puntn eet, wint!
Competitie
bewerknDer is wok ne competitie per 'gemeenschap' woa dan ze strydn om den titel skutterskeuninck, en dien die den titel eet strydt tegen d' andere skutterskeunincks van et land om de titel skutterskeizer. Der is dus e national kampioenskap, en 'n Europees kampioenskap. En nie te vergeetn: vo de jeugd is t'r wok en afdelienge.