Sven Vanthourenhout
Sven Vanthourenhout (14 januoari 1981, Beirnem) es ne West-Vlamsche cyclocrosser. Je weunt in Sint-Joris (Beirnem).
Achter dat'n in 2001 Belgisch kampioen en wèireldkampioen wos gekommen by de beloften wierd ie in 2001 prof by Domo-Farm Frites. J'ei lange getwyfeld of dat ie moest koersen ip de boane of cyclocrossn. Tot ende 2004 reed ie vo QuickStep-Davitamon, moar achter een ruzze me Patrick Lefevere es't ie overgestapt noa Rabobank, woarda zyn goe moat Sven Nys ton ree. Vanaf toun wos tie full-time cyclocrosser. Vanaf 1 januari 2007 reed ie vo Sunweb-ProJob da ton 't nieuwe team wos va Jürgen Mettepenningen woardat em ploegmoat wierd van Tom Vannoppen en loatr ôok van Klaas Vantornout. In 2011 trok tie na Landbouwkrediet vo were tope te ry'n me Sven Nys. Achter 't joar 2005 i Sven Vanthourenhout nie te vet vele mêer gewonn, ounder and're deur vele blessures en ôok de de komst van nieuw jounk talent in't veldryd'n.
Palmares (uutschieters) bewerkn
- 2011-2012: Maldegem
- 2008: 2des ip't Belgisch kampioenschap velokoerse ip de boane in Knokke-Heist
- 2004-2005: Dizzêle, Ardôoie, Middelkerke, Hamme-Zogge (Superprestige), Eernegem, Aigle (WorldCup), Otegem, Zunnebeke, Eeklo
- 2003-2004: Dizzêle, Ostende, Veldegem, Otegem, Raimes (Superprestige)
- 2002-2003: Eernegem, Zunnebeke
- 2001-2002: Knesseloare, Ostende, Middelkerke, Veldegem, Beuvery
- 2000-2001: Belgisch kampioen (beloftn), weireldkampioen (beloftn)