The Van Jets

The Van Jets: Op de Tôffel 2010

The Van Jets es nen West-Vloamschn rockband. Ze zyn oorsproungklik van Ostende en uldern styl kundje et beste omschryvn als garoagerock.

In 2004 wounn ze Humo's Rock Rally, e prestigieuze competiesje vo rockbands, me et liedje Ricochet. In 2005 kwam ulder EP uut noamlik Belvédère Records presents The Van Jets me ounder andre Ricochet ip. Teegn 't ende van 2006 brachtn ze de single Electric Soldiers uut in afwachtienge van uldern gelyknoamign album, die in 2007 ip de mart gebracht werd me liedjes die vree goe in de smoake volln van 't brêde publiek gelyk Johnny Winter, Our Love = Strong en What's going on?. Surtout 't latstgenoemde dee 't vrêe goe in olternative muziklystn lyk De Afrekening ip Studio Brussel.

Ip 1 moarte 2010 kwam nen nieuwn cd van ulder uut, Cat Fit Fury!. Den êestn single van't album, The Future, wierd al in januoari uutgebrocht. Die schyvve stound op êen in De eindafrekening 2010 en wos doaby de mêest gedroaide ploate ip Studio Brussel in 2010. Ôok den twidn single Down Below en de derde single Teevee stonden op êen in De Afrekening. Ip 17 september 2012 kwam ulder nieuwstn album uut genoamd 'HALO' me de singles Here comes the light en Danger zone.

GroepsleednBewerken

  • Johannes Verschaeve (zang/gitoare)
  • Michael Verschaeve (drums)
  • Wolfgang Vanwymeersch (gitoare)
  • Frederik Tampere (bas)

Externen koppeliengeBewerken