Toespelle

Een toespelle of sluutspelle is een dienk voe twi stîkkn stoffe an mekoar vaste te makn. Oorsproenkelik kwamte toespelle van de Mycen'n, woarschynlik in de periode 3000-1200 vô Christus. Ton woarn ze bekend oender de name Fibula en wierdn juuste gebruukt gelik vandage.

Een toespelle of sluutspelle

D' in 1849 verkregen octrooie ip de toespelle, U.S. patent #6,281

In 1849 wierd de toespelle ipniev uutgevonden dur Walter Hunt. Dur't angoan van e wedd'nschap med e moat voe $15, wast'je de recht'n ip'd octrooie weere kwyt. Die moat eet d' octrooie loater wêere deureverkocht voe $400 an de 'W. R. Grace and Company'.

Een toespelle is gemakt van goêd, mo buugboar metol. Deur de parallelle kant'n in te duwn, goat de spelle oapen. De veilighyd bestoat'erin, dat de punt van de spelle veilig in't kaptjie weggestoakn zit. Vroeger wierden ze veel gebruukt voe kienderdoekn toe te spelden, mo tegenwôordig mêer voer a tydelike iplossynge by kapotte klêeren of voer etwa vaste te mak'n gelyk voe decoroatjies lik corsag'n.

Punk

In de joarn 70 van de 20e eeuwe wier de toespelle êene van d'iconen van de punkbewegienge en binn'n die stromienge in de jeugdcultuure oender mêer gebruukt vo dat de piercing ipkwam

• 
  Walter Hunt, den uutviender van de toespelle
• 
  Toespelle voer een Kilt toe t'oed'n
• 
  Met een toespelle een vriêndschapsbandetjie begunn'n
• 
  Toespell'n in de punk moade

Ofbeeldiengn die ier by passn ku je vien in de categorie Safety pins van Wikimedia Commons.