Vestienge

In nuze streke zyn der ier en doar nog vestiengn of vestn te bekykn, uut verschillnde tydn. Dat artikel gift en overzicht van de soortn vestiengn en oe dan ze zynder ountstoan zyn.

Luchtfoto van de vestienge van Bourtange in provincie Groniengn, Olland

Voo dan de Romeinen ier kwoamn

In dienn tyd weundn der ier ma winnig menschn, voorol up d'oogste plekkn, glik de Kemmelberg. Voo de reste was 't ier in West-Vloandern surtout mooras, bus en woater. An de zee, die toune vele dieper 't land in gink (Diksmude zat ounder woater), weundn der vele menschn up klene eilandjes woa da ze zynder leevdn van 't visschn en van zout te kookn. Round nunder huzetjes addn ze stoakn stoan mit schermn va wulgetakkn, kwestje va de wilde beestn buutn 't oudn. Da woarn d'eeste versterkiengn.

Grote chefs addn grodder uuzn en z'addn ook betere versterkiengn der roundn. Up sommigste plekkn woarn ter styve grote fortn, boovn up rotsn, plateaus en bergn. Ier in 't noordn, nie verre van Boulogne is 't er nog zuk en fort.

De Romeinn

Round 60 vôorn Christus kwaamn de Romeinn in nuze streekn an, me nundern belangrykn generoale Julius Caesar. Deur da 't ier toune enigste zomers nogol droge ewist wos, kostn de Romeinen ier de boas speeln. Z'en ier nie vele achtereloatn, buutn enigste routn. Van nunder fortn is ter nietn overebleevn. Ter zyn wel schone modelln te zien in den Archéodrome, langst d'ottostroade naa 't zuudn, in de Bourgogne.

De dounkerste tydn

Oz de Romeinen ier wegegoan zyn en de Frankn, de Saksn en de Friezn nunder plekke epakt.

Ofbeeldiengn die ier by passn ku je vien in de categorie Fortification van Wikimedia Commons.