Woal (riviere)

De Woal is een Hollandse riviere in de provinsje Gelderland die begunt by de riviere de Reyn by 't dorp "Pannerden" en strôomt noar de Merwede en de "Afgedamde Moas" by de stee "Woudrichem" woar da z' uutmoundt. De riviere is 82 km lank en hèt een deurstroomsnelheid van 1.500 m³/s.

De riviere de Woal in de provinsje Gelderland in Holland

Geschiedenisse

De noame Woal (deur de Romeinn "Vacalis" of "Valis" genoamd, loater "Vahal") is van Germoansche herkomst en is e verwyzienge noar de vele meanders die de riviere ooit moe g'hed hèn (Oudgermoans: wôh = krom).

Grotste steedn an de Woal

Nymeegn, Tiel en Zaltbommel.

Bruggn over de Woal

Bruggn over de Woal zyn:

• By Nymeegn e verkêersbrugge genoamd "Woalbrugge", en de "Spôorbrugge Nymeegn" in de spôorlyne Arnhem - Nymeegn, met velobrugge de "Snelbinder". In 2013 is't er ook e stadsbrugge geplatst: "De Oversteek".
• Verkeersbruggn by Ewyk ("Tacitusbrugge", A50) en "Benedn-Leeuwn" (Prins Willem-Alexanderbrugge).
• By Zaltbommel e verkêersbrugge genoamd "Martinus Nijhoffbrugge" en een spôorbrugge genoamd "Dr. W. Hupkesbrugge".

• 
  Zicht ip de Woal by Woudrichem in Gelderland
• 
  Zicht ip de Woal by de Woalkoaie in Nymeegn
• 
  Zicht ip de Woal by Zaltbommel in Gelderland

Trivia

• De noame de Woal hèt ols inspiroasjebronne gediend vor Hollandse kolonistn in New York, die e riviere in de "Hudsonvalleie" genoamd hèn noa de Woal (de tegenwôordige "Wallkill River").
• Binst de Twiddn Weireldôorloge speelde de Woal e grôte rolle vo de g'allieerde omda ze moeilyk over te steekn was vor azo hêel Holland te kunn bevryen.

Ofbeeldiengn die ier by passn ku je vien in de categorie Woal van Wikimedia Commons.

Referensjes

• Geologie van Holland, Rivierelandschap - geologievannederland.nl