Woaregem Koerse
- Dit artikel es geschreevn in 't Woaregems, en da zou best ozô bluuvn.
Woaregem Koerse es un eevenement die ieder joar deuregoa in Woaregem. Et es et belangraaikste evenement van diene stad, en 't goa deure den ieësten deisenda achter de loatste zondag van ogustus, en dat ol sedert 1848. Aloewel de koerse zelve moar ip ieën'n da deuregoa, zin ter de hieële loatste weeke van ogustus in Woaregem fieëstn. Der es oek de verkiezinge van "Miss Woaregem Koerse".
Sportief bewerkn
Woaregem Koerse es un peirdekoerse, met 4 indernisrenn'n en 4 drafrenn'n rond de Goaverbeekippodroom van Woaregem. Der zin verskilnde wedstraaid'n, moar de belangraaiksten es de Grooëte Steeple Chase van Vloandern, woarin rooyter en pèird un indernisnparkoer moen ofle(g)n. De mieëst tot de verbeelding' spreek'nde indernisse es de "Goaverbeke".
Mieëst recente ooitsloa'n van de Steeple Chase bewerkn
- 2013 -
- 2012 - Zuliani J. me Martalin (FR)
- 2011 - Dragon M.-A. me Royal Fou (FR)
- 2010 - Juteau S. me Alpha Speed (FR)
- 2009 - Blais A. me Océan D'Or (FR)
- 2008 - Berra D. me Royal Verrie (FR)
- 2007 - Terrien H. me Kan Nejd (FR)
- 2006 - Porcher S. me Yalsadam (FR)
- 2005 - Hondier X. me Gael D'Angron (FR)
- 2004 - Guiheneuf J. me The Top (FR)
- 2003 - Milière N. me Herculanum (FR)
- 2002 - Guiheneuf J. me Repere (FR)
- 2001 - Guiheneuf J. me Galapagos (FR)
Varia bewerkn
- Ieder joare es ter protest van Gaia tee'n wa dan ze nomm'n 'de onmijnselijke be'andelinge van de pèirden'.
- Woaregem Koerse es het belangraaikste eevenement in de provinsie veur de mijnsen me kluit'n: van de boer'n, bieëstemersjans, textielbarons, commersanten tot de klieëne zelfstandigen mee veel (zwart) geld. Tes oek de ideejole plekke vur ulder goudewerk en raaikdom te tooë'n: azo es 't er ieder joare een grooët spel rond de oed'n die de madams dro'n.
- Omdatter zoeveel sponsors zijn kunde reedelaaik gemakkeluk an drankbonskes groak'n: 't es tons oek un drinkfieëste.