Hoofdmenu openen

Wikipedia β

Woomn

(deureverweezn van Woumen)
Woumen
Blankaart Kasteel R01.jpg
Kastêel De Blankoart
WoumenLocation.svg
Liggienge in de gemêente Diksmuude
Geografie
Provinsje Flag of West Flanders.svg West-Vloandern
Gemêente Diksmuide
Coördinoatn 51°00′NB 02°52′OL
Oogteliggienge {{{hoogte}}} m
Ippervlakte 13,83 km²
Bevolkienge (Bron: NIS)
Inweuners
Bevolkiengsdichtheid
1.341 (01/01/2001)
97/km²
Vintn
Vrown
{{{mannen}}}%
{{{vrouwen}}}%
Andre info
Postcode 8600
Zonenummer {{{netn}}}

Woomn is e dorp in de Belgische provinsje West-Vloandern. Woomn ligt an den Yzer en 't is sinds 1977 een dêelgemente van 't stad Diksmude.

Toet 't ende van 1976 wos 't Joenkershove ook by Woomn, moar by de gemeentelikke erindieling moest da nar Oetulst goan. 't Ligt last de groate boane, den N369 die van Diksmude naar Yper loapt.

BeziensweirdigeednBewerken

  Kykt noa Bouwkundig erfgoed in Woomn

Up 't groundgebied va Woomn ligt 't kasteel De Blankoart met e park en e vyver (50 a). 't Is e natuurreservoat en e part van de broekn in de lêge overstroomboare polders van den Yzer. Diene vyver is oenstoan in de 15ste en 16sten êeuw deur turfwinnieng. In dien omtrek is ter oak ne woaterpruductiecentrum, ne groatn bassing woar da ze drienkwoater produceern. Den alscholvere, de brune kiekndief en de blauwn reiger zyn van de meest vokommnde veugels. Da gebied is ne slapplaatse voer deurtrekkende woaterveugels en verschillnde soartn overwienterende eendn en ganzn.

By De Blankoart ku je schone toern wandeln ('t Blankoart wandelpad) en ge passeert er lanks de vochtige Yzerbroekn. De Yzerbroekn zyn 4.000 ha groot en liggn langs 'n rechteroever van 'n Yzer. Ze loopn van Oostvletern toet Diksmude.

De Sint-Andreaskerke die 't end de joarn 80 ersteld e gemoderniseerd is gewest achter den brand in 1985. D'ôorzoake van de brand wos e kortsluutinge. De kerke doarvoorn werd in den Grootn oorlog in 1914 helegans vernield en werd in 25 erupgebouwd. Diene kerke brandde toen in 1985 uut, en werd de joarn doarup ersteld en erupgebouwd. By die erupbouw werdn de drie beukn ounder êen dak gebrocht en werdn de pilarn weggenomn. Doardeure ountstound der êen grote moderne ruumte, da uutkeek up 't altoar, da nie achteroan in de kerke stoat moar averwege an ne zygevel.

De nieuwe kerke is getêkend deur Willy Devriendt, ne lokoaln architect. Den binnenkant is vree modern beist da j't an de buutnkant nie echt ziet.