SV Zulte Woaregem
SV Zulte Woaregem is e Belgische voetbolclub uut Woaregem en Zulte. De club ountstound in 2001 duur de fusie van 't Oost-Vlamse Zultse VV en 't failliete West-Vlamse SV Woaregem. In 2005 promoveerde ze voe d'êeste kêe noa d'Êeste Klasse. De club is by de KBVB ageslootn met stamnummer 5381 en de clubkleurn zy groen en rôod.
Geschiedenisse
bewerknKSV Woaregem
bewerkn
By 't artikel KSV Woaregem vien je mêer uutleg over KSV Woaregem
KSV Waregem was in 1946 uut de fuusje van Waregem Sportief (da ol van 1925 bestound) en Red Star Waregem. De fusieclub slôot em an by de KBVB en kreeg stamnummer 4451. Z'addn rood-wit voe kleurn en speelden in 't Regenboogstadion. Van 1966 toet 1996 speeldege ze in de Êeste Klasse, juste ounderbrookn deur twi kêern e sizoen in Twidde Klasse. In 1985/86 addn ze ôok in Europa succes, ton da ze d'oalve finales van de UEFA Cup oaldn. Z'en ôok e Belgische Beker en Supercup ip under erelyste stoan. Ip 't ende van de joaren 90 zakte de ploeg echter were noa Twidde en in 1999 belandege ze deur financiële misere in Vierde Klasse.
Zultse VV
bewerknIn 1950 is in Zulte de club Zulte Sportief ipgericht, dat em aanslôot by de voetbolbound. De club a stamnummer 5381. De club fusioneerde in 1976 mè SK Zulte (dat in 1947 was ipgericht en stamnummer 4683 ad) toet Zultse VV. Die fusieclub klom in de joaren 90 ip in de nationoale reeksn. Achter e poar joar Bevorderienge speelde de club van 1995 toet 1997 ol twêe sizoenn in Derde Klasse. Zultse moest echter iedere kêe een eindrounde speeln teegn de degradaasje. 't Twidde seizoen gerochtn ze nie deur die eindrounde en de club zakte voe twêe sizoenn were noa Vierde Klasse. In 1999 promoveerde Zultse weerol, 't seizoen derip oalde ze zels d'eindrounde, moa de ploeg verloor in e wedstryd voe de derde plekke en miste azo nipt de promoosje noa Twidde Klasse.
Fusie
bewerknKSV Woaregem fusioneerde in 2001 mè Zultse VV tot SV Zulte-Woaregem, woaby da ze 't stamnummer van Zultse (5381) blêevn oedn. 't Stamnummer 4451 van KSV Woaregem is ton definitief geschrapt gewist. De fusieclub veruusde noa 't Regenboogstadion va Woaregem en gieng van start in Derde Klasse, woa da Zultse 't seizoen van tevoorn had gespeeld. Zulte-Woaregem speeldige doa subiet kampioen in ze reekse. Wat dus nie gelukt was voe Zultse 't joar tevoorn, lukte nu wel voe de fusieclub Zulte-Woaregem: e promotie noa Twidde Klasse. 't Eerste sizoen dwoungn ze doa sebiet een endrounde of, moa ze werdn doa twiddn in. Twêe sizoenn loater werd Zulte-Woaregem ofgetekend kampioen in Twidde Klasse. Zulte-Woaregem kost azo noa d'Êeste Klasse in 2005, voe 'n êeste kêe in de geschiedenisse van 't stamnummer 5381 en 10 joar achter da KSV Woaregem was verdweenn uut de oogste reekse. Ip de 13 meie 2006 speeldige Zulte-Woaregem in de bekerfinale teegn Moeskroen, woun met 2-1 en pakte zo z'n êeste grôte prys.
Erelyste
bewerkn- By 't artiekel KSV Waregem vien je d'erelyste van KSV Waregem
Zulte Woaregem droagt het stamnummer 5381 van 't vroegere Zultse en is dus eigenlik de vôortzettienge van die club. KSV Woaregem speelde met 't stamnummer 4451, da geschrapt is. De fusieclub Zulte Woaregem kan zodus gin anspraoke moakn ip d'erelyste van 't vroegere KSV Woaregem.
Nationaal
bewerkn- Êeste Klasse
- twêeden (1): Êeste Klasse 2012-13
- Beker van België
- winnaar (2): Beker van België 2005-06, Beker van België 2016-17
- finalist (1): Beker van België 2013-14
- Belgische Supercup
- finalist (1): Belgische Supercup 2006
- Twidde klasse
- kampioen (1): Twidde klasse 2004-05
- Derde klasse
- kampioen (1): 2002
Individuele trofeeën
bewerknSpelers of trainers die'n individuele prijs behaalden toen ze voor den club speeldigen:
- Belgische Gouden Schoen (1)
- 2013 (Thorgan Hazard)
- Profvoetboller van het Jaar (1)
- 2014 (Thorgan Hazard)
- Belgische Goude Schoen (1)
- 2013 (Thorgan Hazard)
- Ebbehouten Schoen (1)
- 2013 (Mbaye Leye)
- Pro Assist (1)
- 2016 (Onur Kaya)
- Belgische Goude Schoen: Coach van het Jaar (1)
- 2013 (Francky Dury)
- Belgisch Trainer van't Jaar (2)
- 2006, 2013 (Francky Dury)
- Trofee Raymond Goethals (1)
- 2013 (Francky Dury)
- Guy Thys Award (1)
- 2013 (Francky Dury)
|
Ofbeeldiengn die ier by passn ku je vien in de categorie SV Zulte Waregem van Wikimedia Commons. |