Zwankendamme is een klêen dorptje in de provincie West-Vloandern tusschn Lissewege en Zêebrugge. 't Ligt an 't Boudewynkanoal en siddert 1932 is 't officieel een dêel van Brugge. 't Dorp haad by de tellienge van 2007 724 inweuners.

Lisseweegsche stêenweg, d'hoofdstroate va Zwankendamme
De tringstaosje van Zwankendamme

Vroeger was 't gekend vo z'n glas- en cokesfabrieke mor in 't begun van de 20e êeuwe woarn d’r ook nog vil andere fabriekn lik een houtzagerie, een exportslachterie en een munitiefabrieke. De cokesfabrieke laag ol lange stille vo da z'ofgebrôken wierd. De ground woa da ze vroeger stound zat vul vergif mo je wor nu heeltergangs gekuuscht, woadeure dat de kaliteit van 't leven in Zwankendamme styf an 't verbetern is.

Zwankendamme het z'n eigen stoasje achter den yzern weg van Brugge no Zêebrugge.

Geschiedenisse bewerkn

 
Oukde sluze an 't Lisseweegs Varretje

Zwankendamme is ip 23 juni 1932 officieel gewordn, moa de name bestoat al vele langer. D'r zyn verschillige theorieën over 't begun. De noame komt verzekers van 't oud middelnederlands woord swanken wat da krienkeln wil zeggn en dam is een dyk. Zwankendamme zou dus krienkeldyk willn zeggn. In ieder geval lag ter vroeger, woa da nu 't Lisseweegs Varretje ounder Wulfsberge deurelopt, een hofstee, herberg Zwankendamme (me joartal 1643). Nog vo da die hofstee gebouwd wierd stound er ip de zelfste plekke een heerlikheid met de noame Zwankendamme die ofhankelik was van de Wulfbergshoeve die een lêenhoeve was van den burg in Brugge. Van die hofstee was ter al sprake in 1429: Binden ambachte en de parochie van lisseweghe, noord-west van der kercke van lisseweghe, recht on de westzijde van der stede dat men heet Wulfsberghe. Moa d'oudste nederzettienge was de Gaarlemhoeve, verzekers zelfs oukder of Ter Doest. 't Zoudt een nederzettienge of heim gewist hen van een Frankischn kolonist, Garlingo. Vandoar de noame Gerlingoheim, loater ingekort noa Gaarlem.

In 2007 kwam Zwankendamme in 't nieuws omda de menschen d'r mee inzaten dat d'uutbreidienge van d'have van Zêebrugge under leven ounaangenaam zou maken.

 

Externe koppelienge bewerkn