Ôostkantongs
D' Ôostkantongs, ook Ôost-België of Eupen-Malmedy genoemd, zyn de kantongs Eupen, Malmedy en Sankt Vith, die in 't ôostn van de Belgische provinsje Luuk liggn en grenzn an Duutsland. Achter den Êeste Weireldoorloge wierdn ze g'annexeerd deur de Belgische stoat ingevolge 't Verdrag van Versailles in 1919.
* de Duutstoalige Gemêenschap:
– Eupen (geel boovn)
– Sankt Vith (geel oender)
* Malmedy (groen)
Tusschn 1816 en 1920 bestoend 't gebied uut de districtn: Kreis Eupen en Kreis Malmedy. Kreis Eupen kwam overêen mè 't kantong Eupen van nu, Kreis Malmedy met de kantongs Sankt Vith en Malmedy.
D' Ôostkantongs bestoan uut de Duutstoalige Gemêenschap en de gemêentn Malmedy en Waimes.
Bestier bewerkn
Sedert de gemêentelyke herindêlinge van 1976-1977 bestoat 't gebied van d' Ôostkantongs uut 3 kantongs en 11 gemêentn. De gemêentn, met hunder dêelgemêentn en eventuele Fransche of Duutsche noame per kantong zyn:
Kantong Eupen (Duutstoalige Gemêenschap mè faciliteitn vo Franstoalign)
- Eupen: Eupen en Kettenis
- Kelmis (La Calamine): Kelmis, Neu-Moresnet en Hergenrath
- Lontzen: Lontzen, Herbestal en Walhorn
- Raeren: Raeren, Eynatten en Hauset
Kantong Malmedy (Fransche Gemêenschap mè faciliteitn vo Duutstoalign)
- Malmedy: Malmedy, Bévercé en Bellevaux-Ligneuville
- Waimes (Weismes): Waimes, Faymonville en Robertville
Kantong Sankt Vith (Duutstoalige Gemêenschap mè faciliteitn vo Franstoalign)
- Sankt Vith (Saint-Vith): Sankt Vith, Crombach, Lommersweiler, Schönberg en Recht
- Bütgenbach (Butgenbach): Bütgenbach en Elsenborn
- Büllingen (Bullange): Büllingen, Manderfeld en Rocherath
- Amel (Amblève): Amel, Heppenbach en Meyerode
- Burg-Reuland: Reuland en Thommen