Adriaan Willaert (Rumbeke, circa 1488 – Venetië, 7 december 1562) was een Vlamsche componist, dirigent, muzieklêroare en kapelmêester.

Adriaan Willaert

Leevn en werk bewerkn

Adriaan Willaert krêeg zyn ipleidienge in Parys by de componist Jean Mouton. In 1515 trokt ’n noar Itoalië, lik vele mêesters uut de Lêge Landn in die periode. In 1522 wast ‘n in Rome en van 1522 tout 1527 an de hofkapelln van Ferrara en Milaan. In 1527 wierd ‘n benoemd tout kapelmêester van de San-Marco-basilieke in Venetië, woa dat ’n blêef tout an zyn dôod in 1562.

Je was één van de mêest veelzydige componistn uut de Renaissance, en vanuut zyn positie in Venetië ad ‘n een grôte muzikoaln invloed in Europa. Willaert wordt anzien als de groundlegger van de Venetioansche Schole, die een sterkn invloed ad ip de vroege Barokmuziek.

Van Willaert zyn d’r vele werkn gekend lik messn, psalmn, motettn, madrigoaln, canzones en instrumentoale werkn.

Varia bewerkn

  • De Academie voor Muziek en Woord in Roeseloare is noar em vernoemd en d’r is ook een Adriaan Willaertstroate.
  • De vzw Adriaan Willaert Stichting is een cultuurverênigienge in Roeseloare, ipgericht in 2004, die under bezigoudt met ‘t verzoameln van documentoatie over Adriaen Willaert, ‘t anleggen van een discografie van Willaert en andere van zyn tyd, ‘t verzoameln van partiteuren en ‘t ipzettn en uutbouwn van een infocentrum.

Externe koppelienge bewerkn