Amblève

Dat artikel es geschreevn in 't Kustwestvlams.

---

D' Amblève (Duuts: Amel) is e riviere in de Belgische provinsje Luuk. 't Is e zyriviere ip de rechteroever van d' Ourthe, in 't stroomgebiëd van de Moas. De Fransche en Duutsche noame wordn alle tweie gebruukt, zowel vo de riviere of vo de gemêente in de Duutstoalige Gemêenschap. De riviere stroomt deur de gemêentn Büllingen, Amel, Weismes, Malmedy, Stavelot, Stoumont, Aywaille en Comblain-au-Pont.

Loop van d' Amblève

D' Amblève oentspriengt in d' Ardenn tusschn Hepscheid (gemêente Amel) en Honsfeld (gemêente Büllingen), ip de grenze van 't nateurpark Hoge Veenn - Eifel, ip 'n hoogte van à peu près 600 meter. De moendienge van d' Amblève in d' Ourthe, die were uutmoendt in de Moas, is by Comblain-au-Pont ip 120 meter hoogte.

D' Amblève is surtout bekend omwille van de Woatervalln van Coo.

• 
  De Woatervalln van Coo in Stavelot
• 
  D' Amblève in Remouchamps (Aywaille)
• 
  Brugge over d' Amblève in Aywaille
• 
  Comblain-au-Pont

Ofbeeldiengn die ier by passn ku je vien in de categorie Amblève van Wikimedia Commons.