Arkansas

Dat artikel es geschreevn in 't Noordelik West-Vlams.

Arkansas (AR) (Uytsproake in 't Yngels ['ɑːrkənsɔː]) is e stoat in 't zuydn van de Verenigde Stoatn. De bynoame is The Natural State.

Vlagge
Zegel

D'n hoofdstad is Little Rock. De stoat Arkansas besloat 137.732 km². 't Grenst in 't zuydn an Louisiana, in 't zuydwestn an Texas, in 't westn an Oklahoma, in 't noordn an Missouri en in 't oostn an Tennessee en Mississippi.

Historie

't Gebied die nu de stoat Arkansas vormt, wierd oorsproenkelyk bevolkt deur indioann, lyk de Quapaw. D' eeste Europeesche veroveroars woarn de Spanjoard Hernando de Soto (1541) en de Fransche Louis Joliet (1673) en Robert Cavelier de La Salle (1682). D' eeste Fransche nederzettynge wierd ipgericht in Arkansas Post in 1686. Arkansas makte in d' 18e eeuwe deel uyt van de Fransche kolonie Louisiana. In 1762 stoend Vrankryk 't groendgebied of an Spanje, moa kreeg 't were in 1800. De 15e juni 1836 kwam Arkansas de 25ste stoat van de Verenigde Stoatn van Amerika.

Geografie

De riviere Arkansas, e zyriviere van de riviere Mississippi, deurkruyst de stoat van west noar oost. De landschapn zyn divers. 't Noordwestn van de stoat is bergachtig met de Ozark Mountains. In 't westn, langst de grenze met Oklahoma, lign de Ouachita Mountains. 't Zuydn en 't oostn van Arkansas bestoat uyt vruchtboare leeglandn die gebruykt wordn vo de landbouw.

Zicht ip Little Rock