Boule de Berlin
Een Boule de Berlin of Boule de L'Yser is een sôorte boogvuldre (patisserie) van de familie van de beignets.
Recept
bewerkn't Recept is redelik specifiek. Dat hèt alles te moakn mè 't bakkn. Vo 't dêeg wordt er buutn blomme ook eiers, woater, melk, zout, sukers, rysmiddel en neffest beuter ook verschillige vettn gebruukt. 't Dêeg moe genoeg gekneed wordn en zeker ook genoeg ryzn. Os 't dêeg nie genoeg gereezn is ontploffn de bolln by 't contact met de friteurolie, ofwel absorbeern ze d' olie lik e spoensje. Achter 't bakkn wordn de boules gekoeld en gevuld me crème of confiteure. In Berlyn zelve doen ze der assan confiteure in en noemen ze 't gebak "Pfannkuchen", mor tegen pannekoekn zeggen ze "Eierkuchen". Ton wordt er blomsuker ipgestrôoid.
Geschiedenisse
bewerknDer zyn al mè confiteure gevulde bolln ontdekt in Egyptische groavn die dateern van vo 2000 joar v.C. Binst de middelêeuwn woarn der al verschillige varioaties van 't recept en d' êeste definitië van Berlynsche bolln die weregevoundn is, komt uut 't joar 1775: een rounde bolle uut gesukerd dêeg, gebakkn in friteurvet, gevuld mè frambooznconfiteure en bestrôoid me blomsuker.
Oorloge
bewerknAchter den Êestn Weireldoorloge wildn de menschn de noame Boule de Berlin nie mè gebruukn omdat da te Duuts klounk. Doarom wierd de boule ommegedopt noa Boule de L’Yser. Tegenwoordig meug je gerust were Boule de Berlin zeggn zounder schêef bekeekn te wordn.