Brits-Columbia is de mêest westelike provinsje van Canada, geleegn tusschn de Stilln Oceoan en de Rocky Mountains. 't Is de derde mêest bevolkte provinsje van 't land. Den hoofdstad is Victoria en de grotste stad is Vancouver.

Liggienge van de provinsje Brits-Columbia in Canada

Brits-Columbia grenst in 't ôostn an Alberta en in 't nôordn an 't territorium Yukon en de Nôordwest Territoria. 't Hèt e gevarieerde geografie, mè ruwe landschappn met e rotsachtige kustlyne, zandstrange, bus, meern, bergn en grasvlaktes.

Brits-Columbia is e diverse en kosmopolitische provinsje met invloedn van de Brits-Canadeesche, Europeesche en Aziatische verspreidienge en van d' inheemsche bevolkienge. Inheemsche Canadeezn vormn oengeveer 6% van de totoale bevolkienge. D' Aziatische Canadeezn vormn mè 20,2% de grotste zichtboare minderheid. Iengels is de gemêenschappelike toale van de provinsje, 71,5% van de bevolkienge sprikt Iengels en 1,4% Frans. Der wordn te minste 34 verschillige inheemsche toaln gesprookn.

Binnhoavn van Victoria, hoofdstad van Brits-Columbia
Wikimedia Commons