Broambeier

Broambeier
Taxonomische indêlienge
Ryk: Plantae (Plantn) Stamme: Embryophyta (Landplantn) Klasse: Spermatopsida (Zoadplantn) Orde: Rosales Familie: Rosaceae (Roozefamilie) Geslacht: Rubus
Sôorte
Rubus fruticosus L., 1753

De broambeier (Rubus fruticosus) is 't fruut van e mêerjoarige plante van de familie van de rôozn (Rosaceae). De struukachtige plante komt styf vele vôorn in uze streke.

Kenmerkn

De plante stoat vul me stekkers en komt 1,5 tout 3 meter oge. Je bloeit van juni tout ogustus en de blommn zyn wit of roze. De vruchtn zyn dounkerblauw of blauwrôod en ze bestoan uut verschillige stêenvruchtjes. Ze kunn geplukt wordn van ogustus tout end november.

Culinair

Van broambeiers kan confiteure en zop gemakt wordn moa ze kunn ook rauw g'eetn wordn. Ze zyn zeur-zoete van smoake. Broambeiers zoun kalmerend werkn, de derms ountsmettn en diarree teegn goan. Van de bloarn wordt er ook thee gemakt.

Oundertusschn zyn der ol wienkels die broambeiers verkoopn, mo dedie zyn ezô ekruust dan ze vele grodder kommn.

Ofbeeldiengn die ier by passn ku je vien in de categorie Rubus fruticosus van Wikimedia Commons.