Carl Decaluwé
Carl Jozef Alix Decaluwé (Kortryk, 18 september 1960) es de gouverneur van West-Vloandern. Ie volgde Paul Breyne ip in 2012. Tot ton wastie polletieker vo de CD&V en Vloamsch Volksvertegnwoardiger.
Diplome en zen jirste jobs
bewerknDecaluwé oalde e licensje economische oardrikskunde oan de Rijksuniversiteit Gent. Doarachtr, in 1984, werkte ie telkns e joar vo stad Kortryk, 't Europees Parlement en 't ACW. Bist ze studies wastie wok actief bie 't Katholiek Vlaams Hoogstudentenverbond. Vanaf 1989 wa Decaluwé bestuurslid van de Vloamsche Usvestingmoatskapie, waar datie wok ondervoorzitter wa tuschn 1995 en 2000.
Polletieke carriere
bewerknBist datn ondervoorzitter was vant VHM, wer Decaluwé wok verkozen als Vloamsch Volksvertegnwoardiger. Ie volgde Luc Martens ip voa de kieskringe Kortryk-Roeseloare-Tielt. Wok achtr de verkiezingn in 1999, 2004 & 2009 bleeftie Vloamsch Volksvertegenwoardiger. In 1999 werd ie vo enkele moandn oangewezn als gemjinskapssenator in de Senoat en van 2004 tot 2012 werd ie ook gekozn als ondrvoorzitter vant Vloamsch Parlement.
Int parlement, volgde Decaluwé de dossiers ip van socioale usvestinge. Ie was toen ook bestuurder van Domus Flandria, een inaalprogram rond sociale woaningen in begin joaren '90. Vo CD&V wastie wok woardvoerder Media & Energie. Ie kreeg de reputasje van stevige debateur alst over media ging. Ei nam toen joarnlang Tony Mary ondr vuur.
Van 2001 tot 2012 was Decaluwé wok nog lid van de gemjinteroad van Kortryk.
Vanaf 2012, volgde Decaluwé Paul Breyne op als gouverneur van de provinsje West-Vloandern. Tiddns zin eerste wekn, plande ie een erdenkinge voor de rampe me de Herald of Free Enterprise door bist en oefeninge me ne Sea King emzelve te loatn zakkn en een krans in de zji te smittn ip de plekke van de rampe.
Privéleevn
bewerknDecaluwé es getrouwd en eeft 2 kinders. Ie houd van alles da me de zji en skeepsvoart te maken eeft.
in 2010 skreeftie ook een boek, getiteld: "Live or let die. Is er nog een toekomst voor de VRT?"