Castel San Vincenzo

Castel San Vincenzo
Castel San Vincenzo binn'n de provinsje Isernia
Regio	Molise
Provinsje	Isernia
Coördinoatn	41°39′NB 14°04′OL
Ippervlak	21,98 km²
Inweuners Bevolkiengsdichtheid	501 (2017) 22,79 inw./km²
Postcode	86071
Website	Officieeln site van Castel San Vincenzo

Castel San Vincenzo es en Italioansche gemêente in de provinsje Isernia in de regio Molise. 't Ligt in't westn van de regio teegn de schreve mè Lazio, ip apeupri 15 kilomèiters o de nôordwestkantn van 't stad Isernia.

Zicht ip't verôog van Castel San Vincenzo

Liggienge

Liggienge van de provinsje Isernia

Castel San Vincenzo grenst an de gemêentn Cerro al Volturno, Montenero Val Cocchiara, Pizzone, Rocchetta a Volturno en San Biagio Saracinisco (in de provinsje Frosinone). By de gemêente ôorn de wykn (frazioni) Cartiera en Castellone.

Castel San Vincenzo ligt in't zuud van de Centroale Oapenynn'n, temidd'n 't beschermd nationoal nateurgebied van d'Abruzz'n, Lazio en Molise (Parco nazionale d'Abruzzo, Lazio e Molise). By de plekke ligt ôok 't Lago di Castel San Vincenzo, en artificiël meer angemoakt in de joarn fiftig deur de bouw van en elektrische stuwdamme. Nie verre van Castel San Vincenzo ligt de bronne van de Volturno-riviere.

Beziensweirdigeedn

• De Santo Stefano-kerke, gebouwd in de twoalfde-dertiende êeuwe.
• De middelêeuwsche burcht ip't verôog in de wyk Castellone o de boovnkant van Castel San Vincenzo.
• De benediktynn'n-abdeye van San Vincenzo al Volturno, die teegn de schreeve mè Rocchetta al Volturno ligt. D'oude abdeye es gebouwd in de vroege middelêeuwn tusschn de vuufde en zesde êeuwe in Longobardischn styl, mo ligt nu in brokkn verskêen deur teffrente eirdbeeviengn an't ende van de middelêeuwn. In d'abdeye zyn der teffrente sjieke fresco's uut de neeg'nde êeuwe gevound'n. Nie verre van d'ooverbluufseln van d'oude abdeye wierd er in 1989 e nieve gesticht.
• 't Museum van d'abdeye
• 't Bezoekerscentrum "Oscar Caporaso" wa vertelt oover de fauna in d'Oapenynn'n
• 't Beschermd nationoal nateurgebied van d'Abruzz'n, Lazio en Molise
• De kluuzenoareye van San Michele a Foce

• 
  Zicht ip de burcht
• 
  't Meer van Castel San Vincenzo
• 
  D'abdeye van San Vincenzo al Volturno
• 
  Zicht ip de kluuzenoareye van San Michele a Foce

Ofbeeldiengn die ier by passn ku je vien in de categorie Castel San Vincenzo van Wikimedia Commons.