Channel Zero is êen van de grotste en bekendste Belgische metalgroepn ôois.

Channel Zero, 2015

Noame bewerkn

De noame Channel Zero komt uut e numer van Public Enemy, She watch Channel Zero.

Geschiedenisse bewerkn

Channel Zero is upericht in 't Brusselsche in 't joar 1991 deur oundermêer Franky DSVD. E joar loater brochtn ze Channel Zero uut, woamei dan ze ol rechtet e masse fans krêegn in België, mor oek in Olland en Duutsland.

In 1993 kwam Stigmatized uut, da e mixt wos deur Vinnie Paul (toene drummer va Pantera). 't Wos 't begun van mêer bekendeid, ze mustn zest toern me groepn lik Obituary, M.O.D. en Napalm Death.

Nunder noastn CD Unsafe uut 1995 wos 't êeste dat oek uutkwam in de Verênigde Stoatn en 't wos nunder grôte deurbroake. Z'en in da joar etourd me Megadeth en in Australië deen z' en headlinetour. Van Unsafe zyn der 60 000 ploatn verkocht.

In 1996 brochtn ze Black Fuel uut. 't Zat vele mêer varioasche in, mor egliek zyn der nie mêer van verkocht. Achter e goein tour me Body Count in 1997, lietn ze weetn dan ze gienkn uut makoar goan. Z'en zevve nôois echt ezeid werom, mo 't feit dan ze nie mir echt groeidn en dat de rounde dei da nundern manager geld etjoept at, zoe mei espeeld en.

In 't zeste joar brochtn ze nog e live CD uut, d'upnoame va nunder uptreedn up Martrock Leuvn. Nunder bekendste numers zyn Help en Black Fuel.

In de Zwarste Lyste (de 70 zwarste numers) van Studio Brussel, uutezoundn up Poaschemestdag 13 april 2009 en epresenteerd deur Alex Agnew, stoeg Channel Zero drie kirs derin, up 37 me Help, up 27 me Suck my Energy en up 22 me Black Fuel.

In 2009 gieng het de rounde dan ze were thope gienkn kommn ('t kwam e facebookgroep voun dat te vroagn). An ze bekend miekn dan ze up 22 januoari 2010 gienkn uptreedn in 'n AB in Brussel, woarn de koartn in 1 2 3 uutverkocht, doarachter kwaamn der nog 5 uptreedns by. Z'hen oek e nieuwn single uutebrocht (Black Flowers) en ze stoan oek up Graspop in juni.

Leedn bewerkn

  • Franky "DSVD" De Smet Van Damme (zang)
  • Xavier Carion (gitaar)
  • Tino De Martino (bas)
  • Phil Baheux (drum)

Ploatn bewerkn

  • Channel Zero (1992)
  • Stigmatized (1993)
  • Unsafe (1995)
  • Black Fuel (1996)
  • Channel Zero Live (1997)
  • Feed 'Em with a Brick (2011)
  • Kill All Kings (2014)
  • Exit Humanity (2017)

Externe koppelienge bewerkn