De legende van Ridder Witsoone

Dit artikel es geschreevn in 't Poperiengs, en da zou best ozô bluuvn.

De legende van Ridder Witsoone is e legende uut Krombeke die ontstoan is in de Middelêeuwen.

't Veroal bewerkn

Volgens die legende wos ridder Cornelius Witsoone verdoold in de busschen die lein tusschen Poperienge, Krombeke, Proovn, Woatou, Westvletern en Woestn. Drie doagen en drie nachten droaide Ridder Witsoone toertjes in de busschen, zoender een uutgank te viengn. Toen dat’n bykan dôod goenk van oenger en dust, begustn te leezn toet Oenze Vrouwtje. En adde nog moa juste ulpe evroagd an Maria, of en ôorde de klokke van de Sint-Blasiuskerke van Krombeke luun. Azô voenk Ridder Witsoone ’n uutgank van ’t bus, en e wos gered.

Cornelius Witsoone wilde God en Oenze Vrouwtje bedankn. E dêelde brôod uut an de arme menschen, en e miek oek dat de klokke van Krombeke êne ki per dag 72 kêers zou luun, want zovele eurn attn in de busschen roendedoold. Die tradisje zou deurn ozo lange da Krombeke zou bestoan.

Tradisjes bewerkn

’n Dag van vandoag kuj die 72 “doolklops” nog ossan ôorn in Krombeke. In de zomer ’n achn ’s noavers, in de wienter ’n zessen ’s noavers.

Sedert 1978 organiseert Krombeke oek ’t Witsoonefêest. Da goat deure op ‘n 3dn zundag van juli.