Diederik van Assenede

Diederik van Assenede (Assenede, ca. 1230 - 1293) was klerk an 't hof van de Groavn van Vloandern en van 1260 toet 1280 in dienst by gravinne Margaretha van Constantinopel en eur zeune Gwyde van Dampierre. J' is surtout gekend als schryver van de Middelnederlandsche liefdesromang Floris ende Blancefloer.

Zyn ipleidienge moet 't zelfste gewist zyn lik van zyn collega Jacob van Maerlant. In dien tyd wierdn klerkn van 't Vlams groavnhof gerecruteerd uut de studentn van Sint-Donaas in Brugge.

Volgns van Assenede zelve schreeft ie vo die geen Walsch en konnen (die gin Frans kenn). Je vertoalde 'Floris ende Blancefloer' uut 't Frans en je kost ook Latyn dat ie geleerd had binst zyn ipleidienge. Je schryft ook da 't werk hem styf vele moeite gekost het. Buutn da werk, dat à-peu-près vierduusd verzn bevat, zyn der gin andere tekstn van hem gekend.

Z'n bydroage an de Nederlandstoalige literateure is styf importent. Je speelde e grote rolle in d' emancipoasje van de volkstoale.