Discuusje:Frans-Vlams

Meuhn'k der wel ip wizn da ze in Vrankriek WEL 't wesvlams erkend ein os 'langue regionelle de france' of oe dan ze 't wok noem ? A't er entwien hintereseerd es, ik en da boeksje van 't Frans Vlams persede moand ekocht in Gent (da van toal in stad en land, lik dan ze wok ein van 't Wesvlams dan ze intiede noh uuteheevn en met de hazette va wesvloandern). Horned God 07:30, 16 juni 2007 (UTC)

goeie opmerking. Net gecheckt op de FR wiki: En France, le flamand occidental est listé par la Délégation générale à la langue française et aux langues de France comme l'une des 23 langues régionales de France métropolitaine. On le qualifie de West Vlaamsch

• [[1]]
• [[2]]

Dus me andere woorn oamme vroagn en over de toale, kunn me ze stelln an e sôorte West Vlamse toalunie van Vrankryk: ANVT. Oewel der duudelyk verschilln zin tussen de belgisch-west-vlamse en de frans-west-vlamse grammatica.

vb: Z'het ook ezeid dat de Taalunie en 't vlaamsch governement van de Belgyken en wullen nie dat de vlaamsche tale elerd is in Frankryk.

Zout by nus zin: Z'het ook ezeid dat de Taalunie en 't vlaamsch governement van de Belgyken nie wullen en dat de vlaamsche tale elerd is in Frankryk.

--81.82.65.62 09:22, 17 juni 2007 (UTC)

E sorte West-Vlamsche toalunie, goe gezeid. 'k Peize da me die verschilln tusschn Frans West-Vlams en Belgisch West-Vlams nie moetn overdryvn. 't West-Vlams van den Westoek lopt continu deure in 't Frans-Vlams (en omgekeerd :-). De verschilln tusschn Frans-Vlams langs den enen kant en Iepers, Poperiengs, Veurns an den anderen kant zyn vééél klinder dan die tusschn ol die dialecten tegenover et ZO-WVL. --Patrick 09:48, 17 juni 2007 (UTC)

Zoe't er eindelyk gin meugelykeid zyn om ip êen of andere maniere ansluutienge te zoekn bie die organisoatie? Zodoanig dat West-Vloandern en Frans-Vloandern mêer mè êen stemme klappn? --D-rex 10:01, 17 juni 2007 (UTC)

200 % akkoord mei joe D-rex, dienen wiki es vo olle West-Vlams-sprekende Vloamiengn in Belgje/België, Vrankryk en Olland. Me zoedn moetn toenoaderienge zoekn tot et ANVT én tot de Zeeuwschn wiki want oe je dedien bekykt (amper 113 artikels...) lees je zuver West-Vlams. --Patrick 14:24, 17 juni 2007 (UTC)

Stel da we 't ANVT kunn overtuugn om mei te doene an den vls-wiki, kun j'ol roadn wuk dat et eerste discuusjepunt goa zyn... Juuste, de spellienge! Uze keuze vo de y vonde'k daarom styf belangryk omda ze zyder dienen letter gebruukn lik da me wyder nu doene. --Patrick 14:29, 17 juni 2007 (UTC)

Goed nieuws joengers, ik zitten ol e liitje in contact me die hastn van Blootland, surtout Joël en va die mins hoa'k ik de teksten ein van nulder muzzik, dus noh e liitje persjense en je hoat tekstn en in 't Frans-Vlams. Horned God 10:12, 5 ogustus 2007 (UTC)

Styf goed van joun, Horned God. Moa je goat e bitje moetn wachtn ip reactie, want d'r zyn d'r ier e hêel dêel ip reize...--Zeisterre 10:23, 5 ogustus 2007 (UTC)

Voe weere te komn ip "'t vlaamsch governement van de Belgyken en wullen nie dat de vlaamsche tale ", dat en es nie 't zelste of 't hêen da 't er onder staet... "en wullen nie" es link en ontkenninge, de 'en' in die zinne. De zinne daeroender is de 'en' e vervoeginge van 'ein'. Horned God

Klopt, ein (AN hebben) in 't Frans-Vlams es hen --Patrick 5 dec 2007 23:12 (UTC)

Klêen dingsje nog, lyk a-je wilt, ik en nog verschilligste tekstn van liedjes in 't frans vlams, moa ze zyn wel ofbeeldingn, est er etwien begoestig vo da ol over te typen ? Horned God 6 dec 2007 17:09 (UTC)

Kontaktn

È je ol ne kêe kontaktn eleid me die verêeneginge (ANVT)? O't e da je da ol gedoan è... oe woarn de antwoordn?