Discuusje Wikipedia:AN-SV Historische eigennoamn

Bynoamn

Ik è up Wikipedia:AN-SV Istorische eigennoamn e voorstel geformuleerd vo West-Vlamsche (by)noamn van istorische figuurn. Alternatievn en/of commentoarn zyn ier welkom. ---Patrick 29 jan 2008 00:55 (UTC)

Moeilikke gevolln : discuusje

Zie ook de g'archiveerde discuusjes. --Patrick 18 feb 2008 19:57 (UTC)

Wuk es junder voorstel vo West-Vlamsche bynoamn vo die gastn ieroundern? --Patrick 29 jan 2008 00:53 (UTC)

't Zou nie slicht zyn most d'n twiddn taalman ier ook e ki zyn gedacht zeggn.--Pastel 30 jan 2008 11:32 (UTC)

D'n twiddn toalman lat et momenteel ofweetn. --Patrick 30 jan 2008 12:21 (UTC)

Oe zou da kommn?--Pastel 30 jan 2008 12:36 (UTC)

Misschiens èt ie gin tyd, j'èt nogol nen drukkn job. Ofwel èt et nog te moakn mè de latste stemmienge round de "oun". --Patrick 30 jan 2008 12:53 (UTC)

Ik vindn 't ook van belang dat den twiddn taalman zyn gedacht zegt. Nu geroakn me gin stap verder... En addn me gekoozn vo de "on" en de "oun" was iederêen content gewist. Spytig...--Zeisterre 31 jan 2008 14:16 (UTC)

Voewuk vind je gy da me wynder gin stap vodder geroakn Zeisterre? Omda me voor en poar bynoamn nie direct e gepaste West-Vlamsche noame vindn? Zeg my nie da me wynder nie in stoat zyn vo en poar noamn vaste te leggen zounder dat er vuuf toalvintn under gedacht zeggn (by maniere van spreekn...) ;-) --Patrick 31 jan 2008 20:30 (UTC)

Ook de on/oun-discuusje es ofgeround en da blad ier es nie de beste plekke om doar nog over te discuteern. Moa vo te repliceern up joun upmerkienge Zeisterre: m'addn toun evengoed de on/oen-spellienge kunn oudn. De keuze voor en uniforme spellienge wos e verstandige keuze die te vergelykn es mè de keuze voor SV-y (in plekke van ie/i), SV-sch (i.p.v. 10 variantn) e.a. --Patrick 31 jan 2008 20:07 (UTC)

't Es spytig dat 'n andern toalman nietn nie mè van em lat oorn. Moar olleman es vry vo wel of nie deel te neemn an discuusjes. Oe me't ollemoale zoudn loatn ofweetn omdat ier nie 100 % noar uze goestienge lopt, zoudn d'r nie vele nie mè overbluuvn... 'k Vinne't wel gezounder vo 2 "toalmann" 't èn. 'k Stelle voorn da me up zoek goan achtern nen nieuwn (derdn) toalman, die kut inspriengn oe 't nodig es. Wuk peins je gynder? --Patrick 31 jan 2008 20:14 (UTC)

Ik volge Patrick ier in: der es de eign mênienge, en de consensus. Der zyn ol dikwyls beslissiengn gewist woar da ke zelve nie achter stonde, moar da d'es nu êenmoal de wet van de mêerdereid. En ton moe je zo genereus zyn om u doar bie an te sluutn. --D-rex 31 jan 2008 20:38 (UTC)

En is 't niveau van uze wiki nu zo vele omoge gegoan deur dat artikel weg te smytn? 'k Oopn echt da 't nog goed komt.--Pastel 31 jan 2008 16:48 (UTC)

Ier es nie echt de plekke om over de regels van de Wikipedia:Verwyderlyste te discuteern, die discuusje es ofgeround. De vereiste da artikels ne gepastn encyclopedischn inoud moetn èn, es voor olleman van toepassienge. --Patrick 31 jan 2008 20:02 (UTC)

Wuk artikel bedoel je met "dat artikel"? Discriminoasje? Tbc 31 jan 2008 23:03 (UTC)

Ja, 'k voundn dat e bitje olie ip 't vier smytn deur da te nomineern, mo gin verwyt an joun Tbc, gy è geweune joun job gedoan.--Pastel 1 feb 2008 07:03 (UTC)

Zukke artikels oorn ier nie tuus, ol gelyk van wie dan ze zyn. 'k Zie nog osan uut na 't eerste deftig artikel van Foroa. --Patrick 1 feb 2008 21:27 (UTC)

Sommigte zyn ier styf nuttig zounder artikels te schryvn. En lik da D-rex zegt doe Foroa vele werk ip d'n achterground. En je bringt inderdoad deurdachte argumentn an. En 't is nie omda sommigte da nie appreciëern dat er niemand da doet.--Pastel 2 feb 2008 09:07 (UTC)

Myn standpunt es: stevige discussies moetn keun, ja zyn zels nôodzoakelyk. We moeten allêne voo vier dingn ipletten. Ten êeste makt ze nie persôonlyk. Ten twêede: o't er een discussie beslist es bie stemmienge, legt er u bie nere (da wil wel niet zeggn voo êeuwig é. O ietn nie weirkt kan et oltyd erroepn weirdn). Ten derde, verêenzelvigd u nie mè uw mênienge: een mênienge es moar een mênienge, probeer nie te scoorn mè een bepoalde mênienge (persôonlyk vinne 'k ik da een slichte eignschap da je dikkels ziet in een professionele omgevienge) en eit de couroage om uw êeste gedacht soms te erroepn. Ten vierde: de uutbouw van de wiki es et belangrykste, nie et beoaln van uw eign gelyk. O we die vier regels keun volgn, ton keun we tot felle moar faire discussies koomn! --D-rex 2 feb 2008 11:21 (UTC)

Ten vuufde: kritiek moe upbouwend zyn. Ofbreekn es 't gemakkelikst, da kut olleman. Noem e voorstel dus nie belachelik of nie deurpeisnd oe je nietn beters kut voorstelln. --Patrick 2 feb 2008 17:49 (UTC)

'k Vinne't nie vree verstandig van oude koein were uut 'n dyk t'oaln. Dat elpt uus gin bitje vooruut, integendeel, we vervolln were in oude discuusjes die oundertusschn ol lange ofgeslootn woarn. Lat et uus ier by oudn. Zoudn me doar ollemoale (dus niemand persoonlik uppakkn aub!) rekenienge mè keunn oudn? --Patrick 2 feb 2008 18:00 (UTC)

En zien uze Wiki-dames da nu zittn om an dizze discuusje ten grounde deel te neemn? :-) --Patrick 31 jan 2008 20:52 (UTC)

Woarom nie?--Pastel 1 feb 2008 07:03 (UTC). Ik zeggn 'kletskop', mo 'k vindn da roar in e geschiedenisartikel. Zottinne is juster mo 'k èn gin moeite mè 'woanzinnige'. Ik zeggn 'akkeloare'. Is 'den behekstn' goed in m'n volgend artikel? En what about 'Hendrik I de vogelaar'? (artikel Illig Roomsche Ryk).--Pastel 1 feb 2008 09:48 (UTC)

Vo myn mag 't de Woanzinnige en den Behekstn zyn, Pastel. En misschiens Hendrik I de Veugeloare whatever doa mee bedoeld wordt :-)--Zeisterre 1 feb 2008 20:08 (UTC)

Lik dikwyls es't er rap-rap en regelke ingevoerd en weird er achterof gepeist ip de gevolgen. Persôonlik vin'k de moeilikke gevolln nogol belachelik. In het Wvl is de ôofbetêkenisse van stout ondeugend, dus nie oltyd juste gebreukt. In en antal gevolln is de noame schône in de betêkenisse van snelln, dus nie juste. --Foroa 1 feb 2008 07:24 (UTC)

Mis Foroa, ge goat ier were vree kort deur 'n bocht. Ik è die moeilikke gevolln direct gedetecteerd oe'k an da blad over istorische eigennoamn begunn woare. Zeg dus nie da'k achterof gepeinsd è up de govolgn. --Patrick 1 feb 2008 19:23 (UTC)

Ik en ook e bitje moeite met die moeilikke gevalln--Zeisterre 1 feb 2008 08:10 (UTC)

't Zyn doarom ook moeilikke gevolln è Zeisterre ;-) Moar ge woart toch te vindn vo bynoamn te verwestvlamschn?? --Patrick 1 feb 2008 19:20 (UTC)

Ik en niks teegn Filips den Goein, den Schoonn en den Stoutn, moa Karel den Kletskop zien 'k echt nie zittn :-)--Zeisterre 1 feb 2008 19:56 (UTC)

Es inderdoad nie evident. In Wervik zoudt et zyn Karel den Plète, of Plètekop, moa da durve'k ier nie lik alternatief zettn :-) --Patrick 1 feb 2008 20:53 (UTC)

Lik da je zegt: j'is helegans kletse, zou je ton nie kunn zeggn: Karel den Kletsn?--Pastel 1 feb 2008 21:35 (UTC)

Vinne'k ook e goed alternatief, 'k goat'n d'rby zettn. --Patrick 1 feb 2008 21:47 (UTC)

'k Zyn blye da 'k joun gedacht oorn, Foroa.--Pastel 1 feb 2008 07:39 (UTC)

In de Westoek: stout aj duft, droef aj etwot uutestookn et of at er etwot rieschelik is. Dus d'oofdbetêkenisse is nie ondeugend, messchien wel in ZOWVL, nie in 't westn wi. --Meuzel

Idem vo Wervik. --Patrick 1 feb 2008 19:17 (UTC)

Moedig (courageus, dapper), stoutmoedig (durf, vrijpostig)) en stout (ondeugend) zijn drie verschillende termen. --Foroa 1 feb 2008 22:18 (UTC)

't Goat ier wel over 't West-Vlams, niet over 't AN. --Patrick 2 feb 2008 17:28 (UTC)

In 't WVL ton: Courageus is nie gelik an stout (durf) en nie gelik an droef. --Foroa 2 feb 2008 18:08 (UTC)

D'akkoord. Ge zoudt gy "Boudewijn de Moedige" toun verzekers "Boudewyn den Courageuzn" noemn. --Patrick 2 feb 2008 18:19 (UTC)

De mêeste noamn (schone, stout, zot, grôotn, dikkn ...) kunn en initiele betêkenisse ein die verschillnd es van wat dan ze nu willn zeggn in 't AN. Olvôorns te ertoaln (woa da'k nie vô benne) moeje dus weetn wat danze echt bedoeldn met de noame. De grôten: was da ne langn, ne beir vanne vint of grôots ? Vergeet nie dan der vele noamn ol deur verschillige toaln gepasseerd eine zôdat de betêkenisse hêlegans verdroaid kan zyn. En ik wete nie of 't er veel andre alternatievn voe moedig bestoan; by oes zoe'k dul durven gebreukn, oloewel da't evenvele als kwoad gebreukt es. --Foroa 2 feb 2008 18:35 (UTC)

Ik vinne da we doar nie illiger dan de paus in moetn zyn, via de iw's keun we gemakkelyk ofleidn wa da de consensus es binn nen grôotn ôop toaln. We moetn da ton moar geweune vertoaln noar et West-Vlams. --D-rex 3 feb 2008 20:19 (UTC)

Goe gedacht D-rex. Doare kun d'je ôok rap ziene dat er verschil is tussen stout (stoutmoedigen, bold, hardi) en moedig (dapper), tussen snel (le beau, handsome) en schone (le bel). --Foroa 4 feb 2008 08:00 (UTC)

Ik en 'Karel de Eenvoudige' 'Karel den Simpeln' genoemd. Is da goed of zyn d'r betere voorstelln?--Pastel 11 feb 2008 17:37 (UTC)

An de menschn die under nie mi willn mingn in discussies: Ik vindn nie dat 't in 't belang is van de wiki van je gedacht nie mi te willn zeggn ('t meug nateurlik nie persoonlik of kwetsnd zyn). De kunst is van nor andere meningn te kunn luustern (en d'r willn over peizn) zounder kwoad te wordn.--Pastel 3 feb 2008 11:06 (UTC)

Moeilikke gevolln : alternatievn

Boudewijn de Kale

Bodewyn den Kletsekop? Meuzel

...

Johanna de Waanzinnige

Johanna de Zottinne Patrick

Johanna de Woanzinnige Pastel, Zeisterre

...

Legoard of leegoard

Discuusje veruusd noar ier. --Patrick 3 feb 2008 21:23 (UTC)

AN met

Foroa, up wuk nen SV-boasis vervang je gy "mè" deur "met"? --Patrick 2 feb 2008 20:21 (UTC)

Ik zyn nie teegn 'met' omda je ton dat accent nie moe gebruukn. Wa peizn d'andere? --Pastel 3 feb 2008 09:09 (UTC)

Ik zyn nie vo dat accent ip "mè". Misschiens is "met" nog de beste iplossinge...--Zeisterre 3 feb 2008 10:33 (UTC)

Twêe reedns

1. De è was vroegre omzeggens nie gebreukt, ollêne moa accentn eut lêenwordn en SV weirden anveird. De è stoat ôok nie in oeze klanktabelln. Indertyd ein we nog in Brugge verschillige accentn weggezwierd omda ze nie gedefinieerd woarn. Sinds en poar moandn es de è straf in de mode gekoomn zonder dat we bepoald ein oe en wannêer da ze zoe moetn gebreukt zyne. Oaje goe kykt ton zie je da die è en typische symbool functie vervult voe verschillige klanken die varieern tussn de i over de ei noa de èè. In principe benne'k dus te vindn voe die symbooln omda'k ol ipgemerkt ei da in de SV, de y, de ê en de ô reegls de mêest uniformiserende invloed eine ip 't SV en danze de wildgroei van olle meuglikke variantn styf vermindren, hetgêen da deudlik nie verstoan es deur de mêeste minsn iere.

2. Met weird nu geschreevn met vanolles tussn de mi ... me ... mei ... mee, en soms met en t derachter, moa ôok nog vele me en d olachtern. Kykt noa iere voe 't gebreuk van --> med, met, mei, mi, mè en me.

Dus zyn der en viere of veuf maniern voe met te schryvn, me en nie officiëel sv è accent kommn der nog en pôotje by. Omme oazô voe iedre artikel noame en categorienoame 5 à 10 meuglikke variantn kunn eine, ton goan we veel tyd verprutsn. 15 noa 20 % van de lienks die in de artikels gesmeetn weirdn werkn nie (zyn rôod) en goan nôois werkn omda ze verkêerde spellienge gebruukn.

Dus myne logica was: me het AN met te gebreukn ein we mêest kanse voe juste te g'roadn, tenzy da't er echt ne consensus groeit voe iets anders. --Foroa 3 feb 2008 18:10 (UTC)

Die "mè" es in de mode gerocht ter vervangienge van verkeerde spelliengsvariantn lik "mi" (da je moar ollene kut uutspreekn lik "mie") en "me" (ollene moar uut te spreekn mè doffe e), binst da de schryvers van "mi" en "me" verzekers en andere uutsproake in gedachtn addn. Moa zolang d'r ginnen consensus es over "mè, mei, mee" zou'k ik nie begunn mè ze te verandern deur AN "met". --Patrick 3 feb 2008 21:55 (UTC)

Die "verkeerde" spelliengsvariantn lik "mi" en "me" zyn evenvele verkêerd lik mè, mei, mee. Mi, ki en wi wordt vele geschreevn en eutgesprookn lik mei, kei en wei (tussen i en ei) en 't is doa niks mis mee. Me wordt vele geschreevn oat de mè" bedoeld wordt omdat ze de SV respecteern. Voe iemand die "met" of "med" gebreukt zyn "mè, mei, mee" hêlegans verkêerd. Oe dan ôok, de "met" schynt dominant te zyn voe de moment. --Foroa 3 feb 2008 22:44 (UTC)

Volgns myn gevoel schryve 'k ik 'met' vór e klinker en 'k loatn de t weg vór e medeklinker.(met espe en me koas, met oar en me tandn, met olifantn en me giraffn). En ik en de 'mè' nie begunn schryvn omda 't mode is, mor omdat er myn gezeid is dat 't azo moet. Ik peizn nie da dat accent nodig is vo 't juste te leezn. 't Voegwoord 'en' lees je toch ôok nie dof en 't is vo 't verschil tusschn voegwoord en lidwoord te zien da 'k ik 'n schryvn. 't Zelfste vo et (heeft) en 't (lidwoord). Med met 'n d vind ik vo niks nodig.--Pastel 4 feb 2008 07:21 (UTC)

'Met espe en mè koas' ton. Ik goan 't azo bluuvn schryvn tou da je gynder overeen gekommn zyt.--Pastel 4 feb 2008 10:42 (UTC)

Dat es ne smos Pastel ;-) --Patrick 4 feb 2008 10:46 (UTC)

Volledig d'akkoord da me (mè doffe e) best 5 à 10 variantn van dezelfste woordn moetn vermyen. Moa 'k vinne ook da me moetn uplettn voe d'uutsproake van bestoande woordn zomoar te goan verandern. Enigste voorbeeldn:

• "je, ge, we, me, ze, te" moar ook "rute, katte, meiske" enz. → finoale "e" es osan dof
• "bikini, micro, giraffe, migraine, riviere, do re mi" enz → open "i" klienkt osan lik "ie"

Ofwel zoekn me wukke spellienge d'r best by één of meer uutsproakn past (+ eventueel SV-regels of SV-klankn bysteurn), ofwel loatn me de schryvers zelve under spellienge kiezn ("me" en "mi" goat toun up 'n deur voe 20 uutsproakn stoan). Volgens my zyn me wynder olletwee nie vo da twidde te vindn zyn want toun es d'r ginnen SV nie mè nodig.

't Voordeel van AN "met" es dat neutroal es, 't voordeel van "mè" es dat et dudelik es woavoorn dat et stoat. Ken je gynder nog alternatievn? --Patrick 4 feb 2008 09:21 (UTC)

't voordêel van de 'è' ès da't ne hêeln pak probleemn kan iplossen: j'ès, ik èi, zulder èn of èin (hebben), ... --Foroa 4 feb 2008 10:01 (UTC)

Moar: zingn, bindn, kind, lint, vindn, bille, bril, killig, dikwyls, ... zyn mêestol lik "i". Lik da'k ol gezeid ei: wi en ki zyn courant --Foroa 4 feb 2008 10:01 (UTC)

Joun eerste reke voorbeeldn zyn ollemoale geslootn lettergreep (lik "lint"), dat es e heel twod anders dan "i" in oopn lettergreepn (zie myn voorbeeldn, es ook van toepassienge up "wi" en "ki"). --Patrick 4 feb 2008 10:08 (UTC)

Sorry, da was inderdoad te rap, 'k oan die "open" nie goe geleezn. Er zyn wel en reekse open i lettergreepn die lik e doffe e eutgesprookn zyne, moa 'k peize nie da't echt relevant es iere: illige, triestige, werktige, killige ... Oewel dan ze theoretisch open zyn, es myn anvoeln dan ze eigentlik geslootn zyn. En voe my klienkt die wi, mi en ki inderdoad nie juste. --Foroa 4 feb 2008 11:23 (UTC)

Lik da Pastel zegt lat je in 't West-Vlams bepoalde eindletters weg voor e medeklinker, moa je sprikt ze wel uut voor e klinker: dat-da, doar-doa, met-me... Ik vroagn myn soms of, of da je e bepoald woord nie best alsan ip de zelfste maniere schryft...--Zeisterre 4 feb 2008 09:42 (UTC)

Persoonlik è'k d'r nietn up teegn da je van e geschreevn word zomoar ne letter weglat. Moar oe den klienker toun oopn komt in plekke van geslootn (of omgekeerd), of finoal in plekke van nie-finoal, zounder da je jou doar vodder etwod van antrekt, kryg je nateurlik brokkn lik nu. Misschiens moetn me 't een en 't ander ne kee(r) inventariseern... --Patrick 4 feb 2008 10:02 (UTC)

Oe je 't my vroagt, toalman up den West-Vlamschn wiki zoudt eigentlik nen fulltime job moetn zyn :-) --Patrick 4 feb 2008 10:22 (UTC)

wuk?! doe j'gy nog etwuk anders in 't leevn? --Astro 11 feb 2008 16:22 (UTC)

By doage, j'oake ;-) --Patrick 11 feb 2008 16:26 (UTC)

Pepijn met de Bult

Hoe zou je gynder da vertoaln? Is Pepeyn met de Bulte goed?--Pastel 18 jun 2009 07:00 (UTC)

Ik vinne da goed Pastel --Patrick 18 jun 2009 07:48 (UTC)

Johannes Calvijn

'k Hèi 't artikel over Johannes Calvijn ol geschreevn, moa 'k twyfele nog osan wuk da 't meest West-Vlams klienkt:

Johan Calvyn

Johan Calvyng

Johan Calving

Johan Calveyn

Johan Calvin

...

Wuk peins je gynder? --Patrick 18 jun 2009 07:51 (UTC)

Ik zyn vo Johan Calving omdat 't van Jean Calvin (of Jehan Cauvin) komt.--Pastel 18 jun 2009 08:19 (UTC)

Ik zyn vo Calvin (eventueel Calving). Vo myn moetn eignnoamn eigentlik nie verwestvlamsd wordn, allêne moa lapnoamn. Os 't toch in 't West-Vlams meugt stoan moet 't ton Calving zyn. In 't West-Vlams wordt de Fransche nasale in-klank: ing (train:tring, bain: bing, Dumoulin: Dumouling...). Calvijn (Calvyn, Calveyn) zou 'k ik lik nie pakkn omdat dadde een verhollandsinge is van Calvin...--Zeisterre 18 jun 2009 08:57 (UTC)

Done, merci vo de rappe reacsje ;-) --Patrick 18 jun 2009 09:32 (UTC)