Andries1204

We zitt'n te smeek'n achter Bruggeliengn :-) Dus o je een artikel ziet die over de streke of over persôonn va Brugge goat, mag je et gerust anpassn, geirne zelfs. normoal zoe 't er boovn de tekst een anwijziengen moet'n stoan dat een artikel erschreevn moe weird'n in't regionoal West-Vlamsch. O je goest eit: 'k ei gistern Joachim Coens en Daniël Coens geschreevn, moar 't zoe toch veel skôonder zin o da in't brugs gedoan zoe zin --D-rex 18:00, 30 januoari 2007 (UTC)

Ei, Andries, wat is da nu me joen? 't Zitt'n der ier inderdoad vele van 't zûden, mor ols beweuners van den ènigsten echten oofdstad moe me ons ier nie loaten doen wè ;-) Schrieven moe je doen! (Oloewel da 'k oak nog nie wet'n oe da je de oennavolgboare Brugse sch-klanke moe schrieven...)--Filibertus 19:33, 30 januoari 2007 (UTC)

zoe ta nie lukken vo die "sch" te sjchrieven med e "sjch"? 't is maar e voorstel ee ( van n angespoelden) --Endriek 19:43, 4 februoari 2007 (UTC)

"sjch" is de sch van Vormezèle, mo zeker nie van Brugge...--Filibertus 19:51, 4 februoari 2007 (UTC)

Zeg Andries, schrieft zelve u kè un artikel in platse van overols mien artiekels ip zogezeide spelfouten te verbeteren...--Filibertus 19:51, 4 februoari 2007 (UTC)

Andries1204, ge moe wel konsekwent zyn ee oe je ntwa anpast:"eenigste" en n zinne verder "enigste" in 't artikel over de Zeruzalemkerke --Endriek 20:11, 4 februoari 2007 (UTC)

Zeg Andries, meschiens ne kêe kieken ip Discuusje:Brugge voe en minimum oantal diengen over 't Brugs of te speken. k'ein 'n indruk da Brugge mêer dan deusd kelomeitrs lank es. --Foroa 22:52, 4 februoari 2007 (UTC)

Andries, van wo in Brugge zie je gie eigenlik?--Filibertus 19:38, 5 februoari 2007 (UTC)

• Dag Filibertus, 'k zien e bitjie loate vo 't antwoorden, mo 'k zien 't nu nog mo. Ik zien van de binnenstad, van 't Madeleintjie, en m'n Brugsch is nog goed, ol zeg 'k het zalve. 'k Weten dat het e bitjie oenvriendelijk kun zien van te veranderen, mo 'k moeten eerlik zeggen datter nogol wadde van die artikels 'in 't Brugs' eigentlik gin echt Brugs woaren. Je ziet direct 't verschil os 't echt is of van een aangespoelden. Os je bvb 'sk' of 'wos' of 'wuk' of zo'n diengen tegenkomt, ton is dat eerder van iemand van beneden Toeroet. 't Is nateurlik altied nie gemakkelik, en 't schriven is nog e bitjie moeilijker dan 't klappen. 'k Zoen 't ik in 't Wervieks of in ' Iepers ook nie kunnen. De tekst moe zien, peis ik, dat os je hem luude leest, dad het ton Brugs klienkt. Een ander diengen is dat er soms te vele van uut het Nederlands gepeisd wordt en datter ton woorden in kommen, die in 't Brugs nooit gon gebruukt worden. Stadhuuswoorden zeggen me dor tegen. Dus ton moe je d'er een drooi aan geven dat het zoe Brugs klienken. Andries1204 01:35, 15 februoari 2007 (UTC)

Andries, kgon èèrlik zien, koeden oltid mun erte vast oak zien da je gie an mun tekst gezet'n et. kmoen ook toegeven da je dikkels geliek et o je diengen verbetert mo kzien oak nie oltid takkoard. 'k zien zelve in Brugge geboren, ken in de bèènouwerstroate geweund en tonne no sint-andries gon weunen, dus kveroenderstellen dak meugen zeggen da'k Brugs klappen...

Ik beschouw'n West-Vlams lik un levende tolle die in tegenstellienge me vele andre dialecten oak geklapt wordt in bedrieven, in wienkels, in 't stadûs en an den unief (zowel in Kortriek, Gent ols in Leuv'n - in Hasselt ek ut nog nie g'oord) en dovan kan'k je n'oak nie volgen o je sprikt over die 'stadûswoorden', want 'k oendervienden dan ze in 't Brugs wel gebrûkt worden. En dorom ek gèren dan ze in d'artiekels dak ik schrieven blûven stoan.

Moar oendanks da zie'k wel blie dat ter nog kèrels zien die in 't Brugs willen schrieven, en sto'k achter Astro zun positieve woorden ieroender. Dovan zoe'k je willen vragen voa mee 't elpen peizen over Standard Brugs, womee dak ol un bitje begost zien in de discuusje bie 't artiekel van Brugge. Do moeme miender zo goed meugelik afspreken oe da me in 't Brugs moen schrieven (anders peizen ze da Brugge 1000 km lank is ;-) ), en tegeliekertied onz' ook oeden an de regels van 't Standard Vlams (leest: West-Vlams).

Wa peiz je do van?--Filibertus 19:58, 15 februoari 2007 (UTC)

Eigennamen niet verwestvlaamsen

Andries, opgelet: eigennamen (met uitzondering van gemeenten) worden nooit verwestvlaamst. Da's een afspraak die we van bij het begin hebben gemaakt. Dus... Goukden Beum - hoe Brugs ook - moet weer Gouden Boom worden ;-)

• E wè 'k fienden dat e misse. Worom nie consekwent zien? Geen een Bruggelienk got in 't Brugs 'Gouden Boom' zeggen. Je moet dus viend 'k minstens de twee zetten, om da je ten minsten zoud togen hoe dadhet in 't Brugs klienkt.Andries1204 01:25, 15 februoari 2007 (UTC)

dàt mag je zeker, die Brugse uitspraak toevoegen. Graag zelfs, dat maakt het nog authentieker. Maar probeer die uitspraak dan te verwerken in je artikel, en geef het artikel geen nieuwe naam. Je mag die keuze van niet-verwestvlaamsen trouwens een "misse" vinden. Maar de meerderheid stond toen (en staat nog altijd, vermoed ik) toen achter die keuze. --Astro 01:33, 15 februoari 2007 (UTC)

Om nen parallel te trekk'n noa andere vrimde toaln: we klapp'n ôok va 'Virgin' o we 't over d'Iengelse vliegmoatschappie ein, en nie over 'Moagd', moar we klapp'n wel va Lon'n.

Geen regionale template? Respecteer de originele stijl!

Ik vermoed niet dat het kwade wil is van jouw kant. Dus leg ik de regels nog een keer uit... Als een artikel een regionale template heeft (vb: "verander in Brugs"), dan mag een Bruggeling dat artikel zoveel aanpassen als-ie wil. In het andere geval moet de stijl van de auteur die het artikel begon zoveel mogelijk gerespecteerd wordt. Zowel qua zinsbouw en woordgebruik en spelling. Je zette het artikel Jan Ceulemans helemaal naar jouw hand. En je veranderde alle Kortrijkse wendingen van D-rex in uitdrukkingen die jij gebruikt. Terwijl daar eigenlijk geen aanleiding toe is. Ceulemans is een Lierenaar, dus dat artikel kan net zo goed in 't Ingelmunsters, 't Oostends als 't Iepers worden opgesteld. --Astro 01:15, 15 februoari 2007 (UTC)

• Ja en neen. Het artiekel stoat wel oender de rubrieke 'in 't Brugsch', dus moed het nie in 't Ostèns of in 't Iepers geschreven zien, of ton moet het oender de rubrieke 'geschreven in 't Iepers', enz stoan. Juuste of nie? Andries1204 01:25, 15 februoari 2007 (UTC)

in 't Brugsch? Tiens... waarom staat die vermelding dan niet bij het artikel zelf? Ik snap trouwens niet waarom dat in dié categorie staat. Omdat hij x-aantal jaar bij Club Brugge gespeeld heeft? Mwah... de Caje spreekt nog altijd geen woord Brugs méér hoor. Maar: als 't inderdaad in die categorie stond, dan mag ik jou niks kwalijk nemen. Mea culpa, in dat geval--Astro 01:29, 15 februoari 2007 (UTC)

• 't Is van mien ook mea culpa. k'Haen een poar kleinigheden veranderd an 't artikel over Raoul Lambert, en van do aa'k overgesckaled no Ceulemans. 'k Peisdegen dus dat dat ook in de lieste van 't Brugs stond, mo 't was dus nie 't gevol. 'k Haen d'er dus beter nie aangekommen. Olhoewel, viend 'k dat os 't in 't Westvlams is, dat het toch beter in 't Brugs is, want Brugge is toch de hoofdzakelike 'stek' van Ceulemans in onze provincie gewist. D'er was trouwens nog wat anders in 't artiekel: d'er woaren nogol veel 'geleerde' woorden, uut het Nederlands, en die in 't Brugs, of in 't Westvlams, nooit zoe'n gebruukt worden. Het moet toch gin ersatz Westvlams zien he? Mo zo juuste meugelik, lik ofda me 't spreken. Andries1204 01:46, 15 februoari 2007 (UTC)

Juist, het moet zo West-Vlaams mogelijk zijn. Maar wat voor jou ersatz kan lijken is voor een ander gewoon dialect. Zo zeg ik altijd in mijn dialect "op". En in 't begin waren er mensen die dat - goedbedoeld - in "ip" veranderden. Wel, laat D-rex de beslissing nemen; hij is met het artikel gestart. Als-ie vindt dat Ceulemans in 't Brugs mag, dan is deze discussie gesloten. Zet er nadien wel een Brugse template bovenaan. Om te besluiten: peis nu nie da'k op je kappe zitt'n eni, Andries. Je doe gie schôo werk! 't Zin enthousiasteliegn lik gie (die van 't êen artikel op 't ander spriengn) da we ier nôdig en! --Astro 08:32, 15 februoari 2007 (UTC)

Lees ook ne kee d'n tekst bie Ulpe:Wikipedia#Streektoaln en spellienge. --Patrick 11:21, 15 februoari 2007 (UTC)

Dudzele

Andries, vanuchtend ei je gy in ’t artikel Brugge de gemeentenoame Dizjille deur Dizeele vervangn. Er es doar discuusje over ontstoan. Wil je ne kee kykn na de discuusje over Dizzele ? --Patrick 19:09, 16 juli 2007 (UTC)