Enola Gay
Enola Gay wos de noame van de vlieger die bist den Twiddn Weireldôorloge d'êerste atôombomme, genoamd Little Boy (Klêen Vintje in 't West-Vlams) eit gesmeetn ip de Japansche stad Hiroshima ip 6 ogustus 1945. Ierdeure woarn der derekt 78.000 miensn dôo moa deur de radioactieve stroalinge eit da oantal nog ipgeloopn tot 140.000.
De vlieger wos nen B-29 Superfortress-bommnwerpre me serienuméro B-2945-MO 44-86292 en wos speciaal utgekoozn deur kolonel Paul Tibbets, de pilôot bist de beroemdn vlucht, en z' èin em specioal moetn anpassn vo de missie. Ezzo èin ze nen ôop bewoapeninge en de bescherminge dervan moetn oaln vo gewichte te spoarn zoda de vlieger ôger koste vliegn vo nie gerakt te kunn zyn deur 't luchtafwêergeschut. J' es genoemd achter de moedre van Paul Tibbets.
Trivia
bewerknDen Britsn popgroep Orchestral Manoeuvres in the Dark eit in 1980 e liedje uutgebracht me den titel "Enola Gay" da over d'atôombomme ip Hiroshima goat.
|
Ofbeeldiengn die ier by passn ku je vien in de categorie Enola Gay van Wikimedia Commons. |