Eth
Eth (hoofdletter Ð, klêene letter ð) (ook eð of edh, Faeröers: edd, Oudiengels:ðæt) is e letter die gebruukt wordt in 't modern Yslands, Faeröers en Oudiengels (Angelsaksisch). De letter wierd ook gebruukt in middelêeuws Scandinoavië, moa loater vervangn deur dh.
Yslands bewerkn
In 't Yslands stoat de ð vor e dentoale fricatief mè stemme, lik de th in 't Iengels them of that. De letter wordt wel uutgesprookn lik þ (thorn), dus zoender stemme, lik in 't Iengels thick of thanks, met uutzoenderienge ost 'n gevolgd wordt deur e klienker. Gèen ein Yslands woord begunt met de letter Ð. Doarom wordt den hoofdletter alleine moa gebruukt ost er e woord hêlegans met hoofdletters gespeld wordt, lik in ipschriftn.
Os Yslanders de specioale Yslandsche letters wegloatn, lik on z' ip e buutnlands toetsnbord werkn of e vrèemde toale schryvn, vervangn ze þ deur th en ð deur d of dh, byvoorbeeld de vôornoame Þórður wordt Thordur en de plekke Seyðisfjörður wordt Seydisfjördur of Seydhisfjördhur gespeld.
In 't alfabet van 't Yslands en 't Faeröers komt de ð achter de d.
Faeröers bewerkn
In 't Faeröers wordt ð nie an e bepoald foneem toegeweezn, moa surtout vor etymologische reedns gebruukt. Os ð vôorn r komt, wordt 't in e poar woordn uutgesprookn lik [ɡ].
Oudiengels bewerkn
In 't Oudiengels wierd ð (ðæt) deur mekoar gebruukt mè þ (thorn) vo 't Oudiengels dentoal fricatief foneem were te geevn. In 't modern Iengels wordn ze nu alle tweie th gespeld.