Hoofdmenu openen
Dat artikel ier is nog moa e klêen begun. Ge zyt g'inviteerd vôor ip bewerkn te klikkn vo mêer encyclopedische kennisse toe te voegn. Crystal txt.png
Dit artikel es geschreevn in 't Kortryks, en da zou best ozô bluuvn.

Het veroal van de Familie Roger De Clerck begunt in 1924 oa stamvoader Roger De Clerck geboorn was als twêede kind in un grôte êreboerdery "Ter Lembeek" in Wielsbeke. Dat es ôok 't begun van d'istorie van de Beaulieugroep.

Het uus van Roger De Clerck woa dat'ie zyne krôost ipgebrocht eit

Inoud

Stamvoader Roger De ClerckBewerken

Roger De Clerck woas ne (verre) kooz'n van Albert De Clerck (voader van Stefaan), ne CVP politieker uut Kortryk die 't in de joaren '60 neur ministre van midd'nstand skiptige. De reloasjes woaren nie dend'rend, ond'r and're omda Roger styf doenkerblauw woas.

JeugdjoarenBewerken

(nog an te vulln)

Ter Lembeek of 't begin in de tapytenBewerken

(nog an te vulln)

Verdêlienge van firma en machtBewerken

(nog an te vulln)

Boer Clerck ip ruste ?Bewerken

(nog an te vulln)

AnekdootnBewerken

Teut tegnn de joaren '85 moesten de minsen van den bureau de zaterdag vôornoene ôok wirken. Vêertig euren weke ip of nere.

Boer Clerck es ni styf zot van toaln en daarom ei j' em nog moar letter ip den televisie gôord.

In de joaren '70 oat ie vôor de veule werkskes en gezien de sub-optimoale werkcondisies al hêel wa vrimdeliengen in dienst. Op zekeren dag zag tie ne vrimdelieng wa doen dat em nie anstond. Ie riep: Vrimden oap, wa doe je gie iere? U plekke es in de bôomn. Toen dat ie 't fit o dat die sukkeleire der nietn van verstoend, besliste ie dat iederêen in zyn firma binnen twêe weekn gieng getest worden ip ulder kennisse van 't Vloams. Al wie dat er nie genoeg Vloams kostige, giengk buutnvliegn.

Roger was ôok allergisch an minsen me lank oar en ne board. Ip zekere donderdag beslistige ie da iederêen tegen moandag zonder board en me kort oar moest ipkomen. Ie èt er un poar beutn gesmeetn en in 't joar '74 was er niemand me ne board in Beaulieu.

Beaulieu KunsttoffenBewerken

Na de grôte verdêlienge van de firma an de joengs oat voader Roger un bitje bezigodinge: 'Beaulieu Kunstoffen' in Kruishoutem.

Twêede generoatie De ClerckBewerken

Lik ulder voader oat de twêede generoatie De Clercq nie veel goeste om ulder broek ip skole te verslytn. Ze woaren vôorol ipvliegende doenderiks, rappe beslissers en zoakenvinten. Z'oan ôok ol gelêerd da politiek nen andere stiel es woa da je beter mee tôpewirkt.

Jan De Clerck & DomoBewerken

Jan oat de reputatie van den kalmsten en verstandigsten van de bende te zyn. Je startige in Sint-Nikloais Domo ip die zêre grôot kwam. Vaneigens oat ie de kunste van zwart geld, druk eutoefenen en ip 't randeke van de wet foefelen overgeerfd moar 't bleef in de redens. En olster wa misliep wist ie beter dan zeun familie da me ne pak geld er hêel wa koste vergeten groaken.

In 1992 sloeg et noodlot toen nog toe met de ontvoering va Antony. Twêeonderd fiftig miljoen Belgische frank was 't losgeld da Jan en Martine De Clerck betoalden voe de vryloatienge van under ontvoerde zeune Anthony, die toen elf joar oud was. Der was van 't begun gin twyfl meuglik, ze giengn under zeune vrykôopn. Da is typisch een reactie in de Familie Beaulieu, is 't er en probleem, toen wordt er genoeg geld ip toafel gesmeetn toet at ipgelost grakt.

Mieke De Clerck noa den vrimdenBewerken

Mieke e getrouwd met Carl Bouckaert (zeune van ne chirurg eut Woaregem) en was zêre 't gat eut noar Amerika om der "Beaulieu of America" ip te richten.

Luc Declerck en Berry in centroal VrankrykBewerken

Oa Luc 18 joar was kreegt ie, lik allemoale in de menoaije, ne BMW 530 en mocht ie t'anskarten om in Chateauroux (departement Berry in centroal Vrankryk) Berrytuft eut de ground t'elpen stampn. Da wa 't begun van de Berry groep. Al zêre kocht'ie de lokoaln concurrent Balzan ip. Je trouwde met madame Materne (van de confeture) en startte een familie in Chateauroux.

Vroeger wast er in Chateauroux hêel wa te doene omdat de Nato er zat. Achter un goe reuze me Charles de Gaulle, et hêel de Nato ulder boelke gepakt en noa Belgie gekomen (Evere, Shape in Casteau). Doardeure was Chateauroux 'n bitje van ne spookstad gekoomn en ze woaren enthousiast me subsidies en goekôpe industriezones om en bitje leven in de brouwery te kregen.

Vanof de joarn 2000 eit Luc geld gerookn in China. Oude massinen wirden ofgebrookn en versast noa China. Doa droain de machientjes ip vulle toern.

Francis De Clerck & IdealBewerken

(nog an te vulln)

Dominiek De Clerk & Ter LembeekBewerken

(nog an te vulln)

Ann De Clerq & Beaulieu InternationalBewerken

Wat es ter êen van de mêest belangryke elementen in ne goekôpen tapyt?
De colle.
Ann et da goe verstoan en ze trouwdige me Stephan Colle en trok noar Pietermaritzburg in Zuud-Afrika om van doareut ulder belangen in Zuud-Afrika, moar oak in Beaulieu Kruishoutem, Australié en Zuud-Amerika te verdedigen. Je bleeft dus nie plakken in zyne zeetl. 't Skint dat ie 't ôok styf goe kan vinden met boer Clerck, die lik veel voaders, zot es van zyn joengste dochter.