Hendrik II van Iengeland

Hendrik II van Iengeland (Le Mans, 5 moarte 1133 – Chinon, 6 juli 1189), van 't Huus Anjou of de Angevins, loater ‘t Huus Plantagenet genoemd, was de zeune van Godfried Plantagenet en keizerinne Mathilde, weeuwe van keizer Hendrik V van ‘t Hillig Rôoms Ryk en dochter van Hendrik I van Iengeland. Je krêeg zyn bynoame Henry Curtmantle (Frãns: Court-manteau) omdat’n geirn korte mantels droeg.

Hendrik II was keunienk van Iengeland van 1154 toet 1189. Je was ook hertog van Normandië, groaf van Anjou, Maine, Touraine en Nantes. Deur te trouwn met Eleonora van Aquitanië kwamt ie ook hertog van Aquitanië en Gascogne, en groaf van Poitou, Auvergne en nog êenigte klindere groafschappn. J’haad ook nog macht in Ierland, Wales, Schotland en Bretagne.

Vrouwe en jounges

Hendrik trouwde ip 18 meie 1152 met Eleonora van Aquitanië. Under jounges woarn:

1. Willem van Poitiers, jounk gestorvn
2. Hendrik de Joungn, getrouwd me Margaretha van Frankryk
3. Mathilde Plantagenet, getrouwd me de Welf Hendrik de Lêeuw. Under zeune Otto IV kwam Rôoms-Duutsche keunienk en keizer van 't Hillig Rôoms Ryk.
4. Richard Leeuwenhart, zyn ipvolger en keunienk van Iengeland
5. Godfried II van Bretagne, hertog van Bretagne deur zyn huwelyk me Constance I van Bretagne. Under zeune Arthur I van Bretagne was ook groaf van Anjou en e rivoal van zyn nounkel Jan zounder Land. J’is verzekers in ipdracht van hem vermôord
6. Eleonora, getrouwd met Alfons VIII van Castilië
7. Johanna, getrouwd me Willem II van Sicilië en me Raymond VI van Toulouse
8. Jan zounder Land ipvolger van Richard leeuwenhart en keunienk van Iengeland

De bezittiengn van Hendrik II in ‘t roze

Hendrik en zyn acht wettige jounges (l no r): Willem van Poitiers, Hendrik de Joungn, Richard Leeuwenhart, Mathilde, Godfried II van Bretagne, Eleonora, Johanna en Jan zounder Land

Ofbeeldiengn die ier by passn ku je vien in de categorie Henry II of England van Wikimedia Commons.