Stefan van Blois

Stefan (of Stephanus) van Iengeland (Iengels: Stephen; Frans: Étienne) of Stefan van Blois (Blois (Frankryk), 1096 – Dover (Iengeland) 25 oktober 1154) was e klêenzeune van Willem de Veroveroare. Je was keunienk van Iengeland van 1135 toet 1154.

Zyn nichte Mathilde van Iengeland, getrouwd me Godfried Plantagenet, ook keizerinne Maud genoemd deurda z’êest getrouwd was me keizer Hendrik V, vound da ze zy recht haad ip d’ipvolgienge van heur voader Hendrik Beauclerc achter zyn dôod in 1135. Ze betwistte de krônienge van Stefan van Blois, en da zorgde vor e periode van burgeroorloge in Iengeland, bekend als d’anarchie.

Uutendelyk kost heur zeune, Hendrik Curtmantle, Stefan van Blois achter zyn dôod in 1154 ipvolgn als êeste keunienk van Iengeland van 't Huus Anjou, ook de Angevins genoemd.

De dynastie krêeg loater de noame Huus Plantagenet, achter de bynoame van zyn voader.

Keunienk Stephanus van Iengeland

Ofbeeldiengn die ier by passn ku je vien in de categorie Stephen of England van Wikimedia Commons.