Hendrik Frans de Cort (Antwerpn, 11 december 1742 - Londn, 28 juni 1810) was e Vlamsche landschapsschilder en têeknoare.

Zicht ip Lier

Hendrik de Cort krêeg zyn ipleidienge in Antwerpn by de schilders Hendrik Antonissen en Willem Herreyns. In 1770 kwamt 'n lid van de Sint-Lucasgilde. Eirtshertog Maximiliaan Frans van Ôostnryk reisde in 1774 deur d' Ôostnryksche Nederlandn en je benoemde de Cort toet zyn persôonlike schilder, meugeliks ip anroadn van Karel van Lotharingen, landvoogd van de Zuudelyke Nederlandn.

Je verhuusde noa Parys achter 1776 en in 1779 wierd 'n anveird an d' Académie royale de peinture et de sculpture. Je kwam in dienst van Louis Joseph de Bourbon, Prins van Condé, vo wien dat 'n in 1781 panoramische zichtn schilderde van 't Kastêel van Chantilly.

De Cort kêerde were noar Antwerpn in 1782. Je was doar êen van de stichters in 1788 van e gezelschap van lokoale kunstnoars genoamd Genootschap ter aanmoediging der Schoone Kunsten of kortweg Konstmaetschappye.

Achter de Brabantsche Revoluusje in 1789 vertrokt 'n noa Londn en je bleef in Iengeland vo de reste van zyn leevn. Je schilderde doa landhuuzn, kastêeln, kathedroaln en andere landschappn.

Wikimedia Commons