Houtduve
- Dit artikel es geschreevn in 't Ypers, en da zou best ozô bluuvn.
| Houtduve | |||||||||||||||
|---|---|---|---|---|---|---|---|---|---|---|---|---|---|---|---|
 En houtduve | |||||||||||||||
| Taxonomische indêlienge | |||||||||||||||
| |||||||||||||||
| Sorte | |||||||||||||||
| Columba palumbus Linnaeus, 1758 |
Houtduuvn (Columba palumbus) zyn de grotste duuvn die in West-Vloandern vôornkommn.
Uutzicht
bewerknHoutduuvn zyn grôte duuvn (ze kommn midder of 40 cm) die surtout upvolln omdan ze e grôte, witte plekke en up nunder nekke. Voun de reste zyn ze, buutn nunder roazn bost en e bitje wit an nunder vlerkn, hêlegans grysde (up d'êne plekke ol dounkerder of up d'aar).
De joungn en die witte plekke nog niet, e begunt mo te kommn achter 6 moandn.
Verspreidienge
bewerknD'Europeesche houtduve overwientert in Zuud- en West-Europa, a 't warme enoeg is, vliegn z' oek wel no Nôord-Europa en Westelik Azië.
't Zyn nog 4 aar oundersôortn in de weireld, 't is oek 1 die uutestorvn is (dedie van Madeira).
Houtduuvn vound je in 'n tyde ollêne up de buutn en busschn, mor oundertusschn leevn der oek ol e masse in stedelik gebied.
Leevnswyze
bewerknTeetn
bewerknHoutduuvn eetn ollêne plantoardig teetn, surtout in landbouwgebied zyn ze nie geirn ezien omdan ze jounge plantjes en groan 't liefste van ol hen. Nu en toune gebeurt het dat de boerebound e weekend inricht voun houtduuvn te schietn omdan der te vele zoudn zittn, etwot woamei dat de veugelbeschermienge nie t'akkôord is.
Vôortplantienge
bewerknZe moakn e nest van taksjes dan ze in boomn of struukn leggn. Ze leggn mêestol en ei of twêe, die uutkommn achter e dag of 18. Ze zorn nog voun de joungn tout an ze 3 of 34 doagn oud zyn.
At er in 'n tyde en outduve broedde byn de menschn, bounn ze e kôretje an êen van de pôotn van de joungn en an ze grôot en dikke enoeg woarn (d'ouders blêevn teetn briengn), kokkeduundn ze ze voun up 't eetn.