Isoleucine

Isoleucine es êen van de 20 natuurlyke aminozuurn. Et weirdt ofgekort mè Ile of I. De vorme die et meeste vôornkomt es L-isoleucine, D-isoleucine komt by de meer exotische soortn vôorn.

Chemische formule van L-isoleucine

3D-stoafvôorstellienge van L-isoleucine

Chemische structuur

Isoeucine's zykeetn bestoat uut een ofgetakte koolwoaterstofverbindienge mè chemische formule -CH(CH₃)CH₂CH₃. Ge zoet dus keun zeggn da isoleucine nen valine es mè een extra -CH₂- tussngepropt. Isoleucine gelykt ôok ip leucine, moar mè êene CH₃ verschoovn. Voo de reste eit isoleucine dezelfste ôofdkeetn gelyk olle andre natuurlyke aminozuurn, mè nen aminogroep an n'êne en nen carboxylgroep an n'andere ant. Isoleucine es isobaar mè leucine, z'ein olletwêe een massa van 131.18 g/mol.

Fysische karakteristiekn

Isoleucine beôort by de hydrofobe amninozuurn, deurda de zykeetn allêne moar bestoat uut koolwoaterstoffn. Doardeure zul'd j'em mêestol vindn in't binneste van een proteïne, of an de butenkant at over de transmembraanregio van een eiwit goat. Isoleucine eit noast zyne chiroale ôofdkeetn ôok nen chiroale zykeetn (ip de Cβ). Oloewel der dus 4 stereoisomeern meuglyk zyn, komt er moar êen vôorn in de natuur (2S,3S)-2-amino-3-methylpentanoic acid).

Vôorkoomn en (bio)synthese

Isoleucine es een essentieel aminozuur voo bêestn, wa wil zeggn da je et moe binnkrygn via uw eetn, mêestol onder de vorm van proteïneryk eetn. In plantn en micro-organismn weirdt et angemakt vanuut pyrodruuvezuur en alpha-ketoglutaarzuur.

Genetische code

Leucine weirdt gecodeerd deur de codons AUU, AUC and AUA.